Cangoriyên Têkoşîna Azadiyê ya Kurdistanê li gelek bajarên Bakurê Kurdistanê û Tirkiyeyê têne bîranîn.
MERSÎN
Bi pêşengiya Komeleya Çand, Yekîtî, Piştevanî û Alîkariya bi Malbatên Xizmên xwe Windakirine ya li Dergûşa Şaristaniyan (MEBYA-DER) li taxa Guneş a navçeya Akdenîz a Mersînê, çalakiya bîranînê di roja duyemîn de ye. Li qada bîranînê pankartên bi nivîsa “Şehîdên me rûmeta me ne”, “Em şehîdên azadiyê bi bîr tînin” û “Şehîd namirin” hatin daliqandin. Wêneyên şehîdan û Rêber Apo bi rengê kesk, sor û zer hate xemilandin. Piştî ku malbatên şehîdan hatin mala taziyeyê, bîranînê destpê kir. Beşdaran bi dirûşma “Şehîd namirin” pêşwazî li malbatên şehîdan kirin. Di çalakiyê de tim û tim dirûşma “Bijî Serok Apo” hate qîrîn.
EDENE
Li Edeneyê bîranîna şehîdên têkoşîna azadiyê ya Kurd di roja duyemîn de dewam dike. Di bîranîna li Mala Taziyeyê ya Ova de pankartên bi nivîsa “Şehîdên me rûmeta me ne”, “Em şehîdên azadiyê bi bîr tînin” û “Şehîd namirin” hatin daliqandin. Wêneyekî mezin ê Rêber Apo li qadê hate daliqandin. Piştî ku malbatên şehîdan hatin mala taziyeyê bîranînê bi dirûşma “Şehîd namirin” destpê kir. Dirûşmên “Rêya şehîd rêya me ye, Apo Serokê me ye” û “Bijî Serok Apo” hatin qîrîn.
RIHA
Bi pêşengiya Komeleya Yekîtî Çand Piştevanî û Alîkariyê ya bi Malbatên ku di Dergûşa Şaristaniyê de Xizmên Xwe Winda Kirine re (MEBYA-DER) ji bo kesên ku di têkoşîna azadiyê de jiyana xwe ji dest dane, li Mala Şînê ya Rezanê ya Navçeya Eyyûbi, li taxa Sarayaltî ya navçeya Pirsûsê ya Rihayê, li Mala Taziye ya Mustafa Dag û Wêranşarê Mala Şînê ya Silêman Nebatî bernameya bîranînê hat lidarxistin. Bername bi deqeyeke rêzgirtinê destpê kir. Salona ku merasîm lê tê lidarxistin, bi wêneyên kesên di dîrokên cuda de jiyana xwe ji dest dane, posterê mezin ê Rêber Apo û pankartên “Şehîd ronahiya rêya me ne” hat xemilandin. Di bîranînê de girse bênavber dirûşmên “Rêya şehîd rêya me ye, Apo ye serokê me”, “Bijî Serok Apo” û “Şehîd namirin” berz kirin.
WÊRANŞAR
Bernameya bîranînê ya li Wêranşarê li mala taziyeyê ya Siyamend Akbaş a li taxa Yenî pêk hat. Pankartên bi nivîsa “Şervanên Kurdistanê cangoriyên azadiyê em her dem li ser şopa wan e” û “Doza me ji bo soza me, soza me ji bo şehîdên me” hatin daliqandin. Ciwanên Wêranşarê bi meşekê xwe gihandin qada bîranînê.
PIRÛS Û EYYÛBIYE
Li navçeya Eyyûbiye ya Rihayê bîranîn li mala taziyeyê ya li taxa Selçûklû, li navçeya Pirsûsê jî wê li mala taziyeyê ya Mûstafa Dag a li taxa Sarayaltiyê bîranîn bê lidarxistin.
DÎLOK
Li Dîlokê bîranîna bi pêşengiya MEBYA-DER’ê di roja duyemîn de ye. Nûnerên rêxistinên civakî yên demokratîk û malbatên şehîdan beşdarî bîranînan dibin. Li qada bîranînê tim û tim dirûşma “Şehîd namirin” tê qîrîn.
