Li Wargeha Penaberan a Şehîd Rustem Cûdî (Mexmûr) şehîd Viyan Soran (Leyla Walî Huseyîn) ku di 2’yê Sibata 2006’an de ji bo şermezarkirina komploya navnetewî ya li ser Rêberê Apo bedena xwe da ber agir, hate bibîranîn.
Merasîma bîranînê li Saziya Malbatên Şehîdan a Mexmûrê hat lidarxistin. Beriya merasîma bîranînê ji bo tevayî cangoriyên azadiyê deqeyek rêz hat girtin.
Piştî rêzgirtinê Endama Kordinasyona Meclîsa Îştar Qîmet Nerexî axivî.
Qîmet Nerexî di destpêka axaftina xwe de Şehîd Viyan Soran bibîran û wiha got: “Heval Viyan di demek kin de xwe di felsefeya û pardigmaya Rêber Apo de rêxistin kiriye û pêşxistiye. Di heman demê de li kêleka wê pêşegtî ji rêhevalên xwe re jî kiriye. Şehîd Viyan Soran pêvajoya komploya li hemberî Rêber Apo hatî pêkanîn baş xwend û xwest ji bo pêvajoyê bibe bersivê. Di pêvajoyê de ku gelê Kurd bi destê Kurdan dihat kuştin, beşdariya xwe ji bo nava refên têkoşînê re da çêkirin. Beşdar bûna wê ya nava refên têkoşînê bi xwe jî çalakiyek mezine. Heval Viyan û rêhevalên xwe dan diyar kirin ku wê ti hêz û ti komplo nikarin gelê Kurd tine bikin. Bi çalakiya xwe bersiva herî xurt da dijminên gelê Kurd.”
Merasîm bi dirûşemyên ‘Şehîd namirin’ û ‘Bijî Serok Apo’ bi dawî bû.
