Xwendekarên Zanîngeha Teknîkê ya Ortadoguyê (ODTU) ji bo protestokirina binçavkirin û girtinên di çarçoveya lêpirsîna der heqê Şaredariya Bajarê Mezin a Setnbolê de hatine kirin, şevê din jî çalakiyên xwe domandin. Bi sedan xwendekarên ders boykot kirin, di tevahiya şevê de çalakiyên cur bi cur lidar xistin.
Di saetên şevê de jî xwendekaran forum lidar xistin. Her wiha kon vedan. Polîsan, di saetên şevê de êrÎşî konê xwendekaran kirin. Polîsên ku bi guleyên plastîk êrÎş birin ser xwendekaran, gelek kes binçav kirin.
Di vê navberê de, 22 kesên ku di nav de civaknas Velî Saçilik jî heye ku duh li Enqereyê di serdegirtina malan de hatibûn binçavkirin, piştî karûbarên li emniyete sewqî edliyeyê hatin kirin. 2 kes piştî îfadeya li dozgeriyê hatin berdan. Rêveberê Rêxistina DEM Partiyê ya Navçeya Çankayayê Mert Orhan Omerbeyoglû, endama Halk-Der’ê Devîn Asya Çaikellî û endama Kaldiraçê Sîbel Goktaş hatin girtin. Velî Saçilik jî di nav de kesên din jî bi şertê kontrola edlî hatin berdan.
Tevahiya 52 kesên di 23’yê Adarê de li Kizilayê hatibûn binçavkirin hatin berdan. Ji bo 17 kesan biryara şertê kontrola edlî hate dayin.
Karûbarên îfadegirtinê yên 30 xwendekarên di 26’ê Adarê de li ODTU’yê hatibûn binçavkirin ên li midûriyeta emniyetê didomin.
