Çalakiya rûniştinê ya ku Şaxa Komaleya Mafê Mirovan (IHD) a Îzmîrê, ji bo ku balê bikişîne ser rewşa girtiyên nexweş, du hefteyan carekê lidar dixe ket hefteya xwe ya 306’emîn. Çalakî li pêşiya Sumerbanka berê ya li navçeya Konakê hat lidarxistin û pankarta “ji bo girtiyên nexweş azadî” hat hilgirtin. Daxuyanî bi Kurdî û Tirkî hatin dayîn.
STENBOL
Komîsyona Girtîgehan a Şaxa ÎHD’ê ya Stenbolê çalakiya “Rûniştina F’ê” di hefteya 672’yemîn de li ber avahiya komeleyê ya navçeya Beyoglûyê li dar xist. Di çalakiya vê hefteyê de bal kişandin ser rewşa tenduristiya girtiyê nexweşiya wî giran Siddik Gulerê 85 salî ku li Girtîgeha Tîpa T’yê ya Îskenderûnê tê girtin. Di çalakiyê de pankartên “Bila Siddik Guler serbest bê berdan” û “Tecrîd sûcê mirovahiyê ye” hatin hilgirti û dirûşmeyên “Bila girtiyên nexweş serbest bên berdan”, ” Bila Siddik Guler serbest bê berdan “, “Tecrîd dikuje, hevgirtin jiyan e” û “Însan mafên xwe însan e” hatin berzkirin.
ENQERE
Endamên Înîsiyatîfa Ji Bo Girtiyên Nexweş Azadî, da ku balê bikşîne ser rewşa girtiyên nexweş, di hefteya 544’an a çalakiya xwe de li kolana Sakaryayê ya li navçeya Çankayayê li hev kom bûn. Endamên Înîsiyatîfê vê hefteyê rewşa girtiyê nexweşiya wî giran Îsa Ozgan anîn rojevê ku li Girtîgeha Girtî ya Tîpa L’yê ya 5 Nimareyî ya Marmarayê tê girtin.
