Daîreya Tiba Edlî û Saziya vekirina gorên komî, duh dest bi vekirina gora 54’emîn kir. Li gorî agahiyên hatine wergertin piraniya kesên ji vê gora komî hatine derxistin pêkhateyên şîa yên ji Şengalê ne û bi destê çeteyên DAÎŞ’ê hatine qetilkirin.
Heta niha li Şengalê bêhtirî 94 gorên komî hatine dîtin. Ji van 94 tenê 54 gorên komî hatine vekirin. Herî dawî li Komlegeha Tilbenat a Şengalê goreka din a komî hate dîtin ku hestiyên gelek kesan di tankerak avê de hatine veşartin.
Bi hezaran hestî hatin dîtin. Hinek ji wan hatin tespîtkirin û radestî xizmên wan hatin kirin. Hestiyên hin qurbaniyan jî li Tipa Edlî ya Bexdayê ne û ji ber ku testa wan a DNA’yê hîn neheqiya ye, nasnameya wan nehatiye tespîtkirin ku radestî xizmên wan bêne kirin.
Gelek caran civaka Êzidî û di serî de Rêveberiya Xweser bang li saziyên eleqedar kirin ku demildest dest bi vekirina van goran were kirin û çarenûsa kesên winda werin diyarkirin. Lê heta neha dewleta Iraqê guh nedaye van daxwazan.
Hêjayê bi bîr xistinê ye ku heta niha çarenûsa zêdeyî 10 hezar Êzidî ne diyare û piraniya wê jin in.
