1’mîn kongreya Hevgirtina Jinên Demokratîk a Herêmî ya Rojhilata Navîn û Bakurê Efrîqayê NADA îro saet di 10:00’an de li Silêmanî destpê kir. Ji 19 welatên Rojhilata Navîn û Bakurê Efrîkayê nêzî 200 jin beşdarî kongreyê bûn. Di kongreya 3 rojan de wê têkoşîna jinan a ji bo azadî, zext û çareseriyê bê nîqaşkirin.
Meclîsa Jinan a PJAK, KJK, TAJÊ û rêxistinên jinan ên Efganîstanê ji kongreyê re peyam şandin. Di peyaman de behsa têkoşîna li dijî jin, êrîşên sîstematîk û têkoşîna li dijî avaniyên pergala baviksalarî hat kirin. Li salona kongreyê dirûşma “Jin, Jiyan, Azadî” deng veda.
Jinên Efganî, bal kişandin ser zehmetiyên piştî rejîma Talîbanê û behsa girîngiya hevgirtina navneteweyî kirin.
Endama Mekteba Siyasî ya YNK’ê Şanaz Îbrahîm Ehmed diyar kir ku kongre derfeteke girîng ji jinan re pêşkêş kir.
