Di tûra yekem a hilbijartinên Şîliyê de, namzeta hevpeymaniya çepgir Jeannette Jara bi wergirtina ji sedî 26.85’ê ya dengan bi ser ket.
Namzetê rastgirên tund Jose Antonio Kast, jî bi ji sedî 23.92’ê dengan di rêza duyemîn de bû.
Anketên ji bo hilbijartina tûra duyemîn a ku dê di 14’ê Kanûnê de bê lidar xistin, nîşan didin ku Kast li pêşe.
Di dema pêvajoya kampanya hilbijartinê de, yek ji rojevên sereke ya raya giştî zêdebûna rêjeyên sûc û koçberiya bêserûber bûn.
Li gorî pisporan, heke Kast di hilbijartinan de bi ser bikeve, Şîlî dikare vegere mîna serdema dîktatoriya Augusto Pinochet.
Kast got, “Em ê welêt ji nû ve ava bikin.”
Ji aliyê din ve, Jara jî bang li hilbijêran kir ku “Netirsin.”
Tê payîn ku beşek mezin ji hilbijêrên rastgir û rastgirên tund piştgiriyê bidin Kast.
Li gorî texmînan, Kast dikare di tûra duyemîn de ji sedî 40–50 dengan bigire.
Wisa xuya dike ku encam wê ji hêla dengdêrên bêbiryar ve bê diyar kirin.
