Li paytexta Somaliyê Mogadîşuyê, di navbera hêzên ewlehiyê û komên çekdar de şerên tund rû dan. Polîsan, ragihand ku wan li dijî milîsên ku tê îdiakirin berpirsiyarê êrîşên hawanê yên li ser paytextê ne, operasyonek dane destpêkirin.
Serokwezîrê berê Hesen Elî Haire, îdia kir ku hêzên hikûmetê ew hedef girtine. Lê belê, polîs îdia kir ku hêzên ewlehiyê rastî êrîşê hatine û operasyon ji ber vê yekê hatine destpêkirin.
Şer di nav nîqaşên li ser dirêjkirina dema Serokkomartiya Hesen Şêx Mihemed de qewimîn. Muxalefet, îdia dike ku armanca guhertinên destûrî dirêjkirina dema desthilatdariyê ye.
Îhtîmala hilbijartinên ku ji bo Hezîranê hatine plankirin hîn ne diyar e. Muxalefetê banga xwepêşandanan li dijî guhertinên destûrî kiriye.
Di vê navberê de, gefa rêxistina El Şebab ku girêdayî El Qaîdeyê ye berdewam dike. Pispor, hişyar dikin ku krîzeke siyasî ya mezintir dikare qada çalakiya rêxistina El Şebab berfireh bike.
