Li gorî daneyên peyka Copernicus a Ewropayê di şewatên li rojavayê Spanyayê de di nava 24 saetan de 30 hezar hektar erd şewitîn. Lê bidawîbûna pêla germê ya welêt ji bo başbûna rewşê hêviyê çêdike.
Sîstema Agahiyê ya Şewatên Daristanan a Ewropayê (EFFIS), ev hejmar ji sala 2006’an ve hejmara herî zêde ye. Rekora beriya vê di sala 2022’an de 306 hezar hektar bû.
Şewat herî zêde bandor li herêmên Zamora, Leon, Ourense û Caceresê kir. Bi hezar kes ji gundên xwe hatin tehliyekirin, gelek rê hatin girtin û seferên trenan a Madrid-Galiçya hatin rawestandin.
Tê payîn ku Serokwezîr Pedro Sanchez roja şemiyê serdana herêmên ku ji şewatê bandor bûne bike.
Rayedaran diyar kirin ku bi bidawîbûna pêla germahiyê ya 16 rojan dewam kir re hewa wê 10-12 derece bikeve û ev rewş wê têkoşîna ji bo şewatan hêsantir bike.
