Komeke parêzeran ku xwe weke alîgirê demokrasiyê didin naskirin, diyar kir ku HPL’ê “li herêmên ku leşker lê nînin, êrîşî sivîlên bêçek kiriye” û înfaz, revandin û talan pêk anîne.
Di daxuyaniya roja Sêşemê hatî dayîn de, hat diyarkirin ku li Eyaleta Nîl a Spî ya li başûrê Sudanê êrîşî du gundan hate kirin û zêdeyî 200 sivîl hatin kuştin. Hat ragihandin ku jin û zarok jî di nav qurbaniyan de hene.
Li Sûdanê ji Nîsana 2023’yan û vir ve di navbera artêşa di bin lîdertiya General Abdul Fettah el-Burhan û HDK’ê de, pevçûnên tund didomin. Ev şer bû sedemê mirina bi deh hezaran mirovan û her wiha bû sedem ku zêdeyî 12 milyon kes ji cihên xwe bibin.
Rêxistina Tenduristiyê ya Cîhanê (WHO) têkildarî êrîşên li ser tesîsên tenduristiyê, hişyarî kir û ragihand ku di nava wexteke kêmî 40 rojan de 13 êrîş pêk hatin û di van êrîşan de 79 kes hatin kuştin, 59 kes jî birîndar bûn.
