Çavkaniyeke ji qada tenduristiyê ji AFP’ê re axivî û ragihand ku êriş roja Duşemê bû. Hate ragihandin ku di encama êrişê de herî kêm 10 kes mirin ku 7 ji wan zarok bûn.
Li gorî şahidan, êriş li maleke li navenda bajêr hate kirin ku bajar ji aliyê milîsên Hêzên Piştevaniya Lezgîn (HPL) ve hatiye doprêçkirin.
Li Sûdanê ji Nîsana 2023’an û vir ve di navbera artêşê û hêza paramîlîter HPL de şerekî giran diqewime. HPL paytextên pênc eyaletên li herêma Darfûrê ya li rojavayê welêt konrol dike. Mehên dawî êriş li ser herêma Kordofanê giran bû. Li Darfûrê jî bê navber şer diqewime.
El ubeyd ku qadeke stratejîk e ji aliyê hêzên HPL ve dorpêçkirî ye. Roj Yekşemê di êrişeke din a droneyê de ku li hemberî stantrala elektrîkê ya El Ubeydê hate kirin, elektrîka li bajêr qut bû.
ZÊDEYÎ 11 HEZAR KES JI KARDOFANÊ REVIYAN
Li gorî Rêxistina Koçê ya Navneteweyî (IOM) ji meha Kanûnê û vir ve li herêmên Kordofan ên Bakur û Başûr ji ber tundiyê zêdeyî 11 hezar kes ji cih û warê xwe bûn.
Li Sûdanê di şer de heta niha bi deh hezaran kesî jiyana xwe ji dest dan, bi milyonan mirov jî ji cih û warê xwe bûn.
