Saziya Çavdêriya Mafên Mirovan a Sûriyeyê (SOHR) roja Pêncşemê daxuyaniyek da û diyar kir ku li bakurrojavayê Sûriyeyê şerekî giran qewimî ye.
Li gorî agahiyan, şer li bajarokê Ceble û gundên nêzî peravên Derya Spî qewimî ku ji dema hilweşîna rejîma Esad û vir ve şerê herî giran e.
SOHR ku navenda wê li Îngilistanê ye li ser X’ê daxuyanî da û got, “Di şerê navbera endamên wezareta karên hundir û parastinê û milîtanên ji artêşa rejîmê ya hate fesihkirin de 70 kes mirin, bi dehan kes birîndar bûn, yan jî dîl hatin girtin.”
Li herêma Lazqiyeyê ku weke keleha Elewiyan tê dîtin, çend roj in şer diqewime.
ŞEFÊ ÎSTÎXBARATÊ YÊ HÊZÊN HEWAYÎ YÊ BERÊ HATE GIRTIN
Li gorî ajansa nûçeyan a desthilatdariya Şamê Sanayê, Serokê berê Yê îstîxbarata hêzên hewayî ku yek ji saziyên ewlekariyê yên nêzî malbata Esad e general Îbrahîm Hûveyce hate girtin.
L gorî îdîayan, Hûveyce ji kuştina bi sedan kesî berpirsyar e.
