Keştiya ku tê ragihandin ku nêzîkî çar rojan beriya niha binav bûye, tê texmînkirin ku perçeyekî rêwitiya komeke koçberên ku ji Myanmarê reviyane ku ji 300 kesî pêk tê. Hate îfadekirin ku koçber ji bo çend keştiyên cuda hatine belavkirin. Rayedaran dan zanîn ku herî kêm 13 koçberan jiyana xwe ji dest dane û hê jî gelek kes winda ne.
Xebatên lêgerîn û rizgarkirinê li nêzîkî Girava Tarutoa a Taylandê û bakurê herêma Langkawi ya Malezyayê berdewam dikin.
Berpirsiyarê Ewlehiya Behrê ya Malezyayê Romli Mustafa diyar kir ku wan heya niha heft cenaze derxistine û tevahiya wan kesên ji Misilmanên civaka Rohingyayê ne ku li rastî zulmê tên. Hate îfadekirin ku ekîbên Taylandê jî şeş cenazeyên cuda derxistine.
Rayedaran diyar kir ku li herêmê herî kêm 12 keştiyên rizgarkirinê beşdarî xebatên lêgerînê bûne. Bi tevahî 13 kes hatine rizgarkirin û li gorî polîsan kesên hatine rizgarkirin welatiyên Rohingya û Banladeşê ne.
Welatiyên Rohingyayê, li Myanmarê ji ber polîtîkayên sîstematîk ên cihêkarî, tundî û mehrûmhiştina ji hemwelatîbûnê bi salan e koçberiya girseyê li wan tê ferzkirin. Hersal bi hezaran bi keştiyên neewle berê xwe didin Malezya û Endonezyayê û ji bo jiyaneke aramtir dest bi rêwitiya li ser behrê ya bi talûke dikin.
