Du roj piştî derbasbûna Bahoza Yagî, Vîetnam hîna jî rû bi rûyê encamên bahoza ku leza wê di saetê de 150 kîlometere derbas kirî, ye. Vê bahozê gelek mal hilweşandin û zirar da febrîqeyan.
Sihara Şemiyê li derdora Haifong’ê bahoz çêbû û ev bahoz ji aliyê meteorologan ve weke bahoza herî xurt a di nava 30 salên dawî de li herêmê çêbûye, tê nirxandin.
Li Hanoiya ku Çemê Sor lê serde çûye, gel ji ber avên bilind bûne malên xwe terikandin.
Roja Sêşemê li gorî bîlançoya dawî ya ji aliyê saziya weşanê ya dewletê VTV’ê ve hatî ragihandin, 82 kesan jiyana xwe ji dest dan û 64 kes jî winda bûn.
Rayedarên ku ji karesatên xwezayî berpirsyar, ragihandin ku ji ber lehî û hezazê 752 kes birîndar bûne.
Li 17 wîlayetên li Bakur, 429 şaredarî ji hişyariyên lehî û heyelanên bandor bûne.
Pisporên meteorolojiyê, diyar kirin ku asta avê ya li bajarê Yen Bai gihiştiye asta herî bilind.
