Hevseroka Giştî ya Partiya Herêman a Demokratîk (DBP) Çîgdem Kiliçgun Ûçar jî di nav de bi sedan jin li Kolana Hunerê li hev kom bûn.
Polîsan hewl dan meşê asteng bikin ku wê heta avahiya bajêr a DBP’ê dewam bikira. Jinan jî bi dirûşman nerazîbûn nîşanî astengiyê dan.
Jinan dest bi meşê kirin, lê polîsan êrîş kirin. Parlamenter jî di nav de gelek jin birîndar bûn û gelek jî bi erdê hatin kişandin û binçavkirin.
Şêniyên li derdorê bi dirûşman nerazîbûn nîşanî tundiya polîsan dan û li Kolana Cûmhûriyetê dest bi çalakiya rûniştinê kirin.
Piştî çalakiya rûniştinê ku nêzî saetekê dewam kir, parlamenter û şêniyan li kolanê dest bi meşa şermezarkirinê kirin. Ciwan jî li gelek kolanan bi dirûşman meşiyan.
Girseya gel piştî êrîşa polîsan li ber avahiya bajêr a DBP’ê li hev kom bû. Rewşa aloz dewam dike. Daxuyanî tê dayin.
