Li gorî nûçeya Rojnews’ê ya xwe spartî çavkaniyên herêmî, danê siharê bi rêya dronên bombebarkirî êrîşî bîra petrolê ya li Paşxabûr a li Îdareya Zaxoyê hatiye kirin.
Di heman demê de birêya dronek din jî êrîşî bîra petrolê ya DNO ya li Tawkêya li Zaxoyê jî hate kirin.
Tê gotin di encama êrîşan de ziyanên madî çêbûne. Heya niha nayê zanîn ev êrîşên li ser bîrên petrolê yên Herêma Kurdistanê ji aliyê kê ve têne kirin.
Hêjayî gotinê ye Kompanyaya DNO kompanyayek neftê ya Norveçêye û bîrên petrolê yên li Tawkê û Pêşxabûr yên li Zaxoyê rêve dibe.
Duh danê siharê jî bi rêya balafirên bê mirov û xwekuj, êrîşî bîra petrolê ya li Etrûş ya ser bi bajarokê Şêxan ya ser bi Duhokê hatibû kirin.
