Hevseroka Giştî ya Partiya Herêmên Demokratîk (DBP) Çîgdem Kiliçgun Ûçar, li Amedê di mîtînga “Azadî ji bo aştiyê ” ya ku bi hezaran kes beşdar bûn de axivî. Çîgdem Kiliçgun Ûçar got, “Yên difikirin ku wê bi qetilkirina Azîz Koyluoglû re dawî li têkoşînê bînin, divê bizanin bi hezaran Nazim, Cîhan û Ezîz hene.”
Çîdem Kiliçgun Ûçar di mitîngê de got, “Êdî dem hatiye ku em behsa zehmetî û sûdên ku aştiyê bi xwe re tîne bikin. Aştî bi hev re avakirina siberojeke demokratîk e. Têkoşîn me ya bi salan a ji bo nasname, ziman, bawerî û azadiyê, pêl bi pêl li cîhanê bû mînak. Ji bo ku li erdnîgariya me jin neyên qetilkirin, kedkar dawî li jiyana xwe neyînin, li Kurdistanê û cîhanê zarok neyên qetilkirin, divê demokrasî, aştî û edalet li welat pêk bê. Têkoşîna vê yekê kî dide? Yên ku herî bêhtir hewcedariya wan pê heye didin. Rêberê Gelê Kurd Birêz Abdullah Ocalan li Îmraliyê 26 sal in li dijî tecrîdê li ber xwe dide. Gelên Kurd, Tirk û gelên Rohilata Navîn ên li dora fikrên Abdullah Ocalan bûne yek hene. Divê em kesên aştiyê dixwazin û ji bo wê ked didin, guhdar bikin. Roj ne roja bêdengiyê ye.
Birêz Ocalan diyar kir ku ji bo gavên pêwîst çi hewce be ew amadeye bike. Di 15’ê Sibatê de ‘mafê hêviyê’ pêk bînin, em ê aştiya ku gelên Rojhilata Navîn bi hesreta wê ye, ava bikin. Guh bidin gelê Kurd. Gelê Kurd mafê ti kesî nedizî ne. Ew daxwaza mafên xwe dikin. Werin em bi hev re sedsaleke nû ya aştiyê ava bikin. Birêz Ocalan her tim bi peyamên xwe, di nava me de bû. Niha dem ew deme ku bê pratîkirin. Ez têkoşîna we bi rêzdarî silav dikim. Modela ku li Rojava pêk hatiye, ji bo tevahiya cîhanê bû ronahî. Divê çareseriya demokratîk a li Tirkiyeyê bi statuya li Rojava re bibe yek.”
