Meclîsa Ciwanan a DEM Partiyê têkildarî Pêvajoya Aştî û Civaka Demokratîk û bûyerên rojane daxuyaniyek li navenda giştî ya partiyê da. Endamê Meclîsa Ciwanan Îbrahîk Akbay li civînê axivî û li ser xeta têkoşînê ya dema nû daxuyanî da.
Îbrahîm Akbay destpêkê Sirri Sureyya Onder di salvegera yekemîn a wefata wî de bi bîr anî. Her wiha ji ber serketina Amedsporê jî tîma Amedê pîroz kir.
Îbrahîm Akbay di daxuyaniyê de bal kişand ser bûyerên li Rojhilata Navîn û wiha axivî: “Li Rojhilata Navîn her tim di navbera hezên Modernîteya Demokratîk û modernîteya kapîtalîst de têkoşîn hebûye. Rojhilata Navîn cihê ku mifte lê hatiyê windakirin e. Rojhilata Navîn şahidiya şerê jin û mêr û hemû têkoşîna civakî ya mirovahiyeyê kiriye. Îro Rojhilata Navîn bû ye qada şerê cîhanê yê 3emîn. Destwerdanên li Rojava, Filistîn, Lubnan, Iraq û Îranê nakokiyên di navbera hêzên hegemonîk de derxistiye holê. Nirxandina nakokiyên di navbera hêzên serdest û kaosa ji ber van destwerdanan, ku mirin û wêrankirinê li ser gel ferz dikin, çarçoveyek bîrdozî ya watedar û rêxistina civakî ya ku li dora wê pêş dikeve, hewce dike.”
Îbrahîm Akbay destnîşan kir ku di serdemekê wisa de banga Aştî û Civaka Demokratîk a Rêber Apo firsendên mezin derxistine holê û wiha pê de çû: “Ciwanên Tirkiyeyê û Kurdistanê ku bi salane li dijî polîtikayên şerê taybet û pişaftinê têdikoşin ji bo rêxistinkirina civakê xebatên xwe didomînin. Ciwanan ji bo wateyê bidin van serketinan di serî de li ser esasê avakirina netewebûna demokratik a Kurd û demokratîkkirina Tirkiyeyê xeta xwe ya têkoşînê daniye. Li ser vê esasê bi civînên gel û atoliyeyan xebatên xwe pêk anîne.”
Di dewama axaftina xwe de Îbrahîm Akbay da zanîn ku ew weke Meclîsa Ciwanan a DEM Partiyê wê ji bo xebatên xwe yê mehekê civîneke lidar bixin û wiha pê de çû: “Em ê di meha 15’emîn a pêvajoyê de ji bo pêvajo bi awayekî serketî encamê bi dest bixe em ê herêm bi herêm, bajar bi bajar bi moral û coşeke mezin belavî Kurdistan û Tirkiyeyê bibin. Bê guman di navenda xebatên me de statu û azadiya fizîkî ya Rêberê Gelan Abdullah Ocalan wê hebe. Rêberê Gelan Abdullah Ocalan ku di serdemeke krîz û kaosê de ji bo hezên demokrasiyê derfetên mezin ava kiriye êdî nepêkan e ku ji civakê dûr bê hiştin. Rola Rêberê Gelan Abdullah Ocalan ji aliyê dewletê ve muzakerevanê sereke û ji aliyê gelan ve jî weke Rêber tê dîtin, lê belê dewlet polîtîkayên mijulkirinê didomîne.”
Îbrahîm Akbay bi dewamî got, “Bi azadiya fizîkî ya Rêberê Gelan Abdullah Ocalan rewşa xitimandî ya pêvajoyê dikare ji holê bê rakirin. Ji bo demokratîkbûna civakê, Tirkiyeyeyê û Rojhilata Navîn her wiha hêviya sosyaylîzmê êdî sebra me ya demekê jî ji Rêberê Gelan Abdullah Ocalan dûr bimînin nemayê. Weke Meclîsa Ciwanan a DEM Partiyê em careke din daxwaza hevdîtina bi Rêberê Gelan Abdullah Ocalan re ji raya giştî re parve dikin. Rêya çareseriyê diyar e. Her gotinên li Îmraliyê werin wê hêviyê şîn bike. “
Di dawiya axaftina xwe de Îbrahîm Akbay got, “Rêya çareseriyê diyar e, di bin tava rojê de gotineke nû tune ye. Muhatab Îmrali ye û çareserî jî Tirkiyeya demokratik e.”
