Meclîsa Jinan a DEM Partiyê, serdana xwe ya ewil roja Pêncşemê li Navenda Giştî ya EMEP’ê pêk anî.
Heyeta ku ji Berdevka Meclîsa Jinan a DEM Partiyê Halîde Turkoglu, Parlamentera Stenbolê Ozgul Sakî û endama Desteya Rêveberiya Navendî Canan Çalagan pêk tê, ji aliyê Parlamentera EMEP’ê ya Dîlokê Sevda Karaca, endama Desteya Venihartina Navendî ya EMEP’ê Şûkran Dogan, Rêvebera Enqerê ya EMEP’ê Hîlal Kiliç û endama EMEP’ê Sînejan Kut ve hat pêşwazîkirin.
Hevdîtin bi qasî saetek dewam kir. Halîde Turkoglu, anî ziman ku heyeta EMEP’ê diyar kiriye ku divê têkoşîna aştiyê tenê bi Meclîsê re sînordar nemîne, li herêmê jî têkoşîna aştiyê û kedê ya jinan bi awayekî hevpar bê meşandin.
Her wiha Halîde Turkoglu, destnîşan kir ku heyetê ragihand ku ne tenê ji bo hevgirtinê, di heman demê de ji bo têkoşîna hevpar jî wê berpirsyariyê bigire ser xwe.
