Li gorî malpera fermî ya Hêzên Sûriyeya Demokratîk (QSD), Meclîsa Leşkerî ya Dêrazorê civîneke berfireh lidar xist. Fermandarên tûgayan, meclîsên leşkerî û Yekîneyên Parastina Jin (YPJ) tevlî civînê bûn.
Di civînê de, beşdaran rewşa ewlehiyê ya heyî û mekanîzmayên pêşxistina amadekariya leşkerî nirxandin. Her wiha beşdaran awayên xurtkirina hevkariya di navbera meclîsên leşkerî û yekîneyên şer de gotûbêj kir. Di civînê de awayên pêşîgirtina tevgera çeteyên DAÎŞ’ê û baştirkirina rewşa ewlehiyê jî hatin nirxandin.
Beşdaran biryar da ku ji bo pêşxistina şervan û fermandarên leşkerî bernameyên perwerdeyê yên pêşketî werin pêkanîn.
Di dawiya civînê de, Meclîsa Leşkerî ya Dêrazorê diyar kir ku armanca wan a sereke şerê li dijî çeteyên DAÎŞ’ê û parastina ewlehî û aramiya Dêrazorê ye.
