Netanyahu, roja Sêşemê hevpeyvînek da i24 Newsê û di hevpeyvîna xwe de gotibû ku ew ‘’gelekî girêdayî’’ vîzyona ‘’Îsraîla mezin’’ e. Li gorî gelek dîmenên medyayê, weke perçeyeke vê dîmenê qala îlheqkirina xakên aîdî dewletên Ereb (Li gel Şerîaya Rojava û Xezeyê hin herêmên Libnan, Sûriye, Ûrdin û Misirê) jî kiriye.
Gotina ‘’Îsraîla mezin’’ piştî Şerê Şeş Rojan ê di Hezîrana 1967’an de ji bo li Îsraîl û xakên nû hatibûn dagirkirin (Qudsa Rojava, Şeraya Rojava, Şerîda Xezeyê, Nîvgirava Sinayê û Girên Golanê) were pêkanîn, hatibû destpêkirin. Piştre ev gotin di çarçoveya pêşxistina Îsraîl, Xeze, Şerîaya Rojava û Ûrdinê de hate qebûlkirin.
Wezareta Karên Derve ya Misirê, diyar kir ku ew ê bi pêşxistinên xwe aşitiya Rojhilata Navîn pêk bîne û nûçeyên têkildarî îdeolojiya ‘’Îsraîla mezin’’ şermezar kirin.
Di daxuyaniyê de ev yek hate gotin: ‘’Têkildarî gotina ‘’Îsraîla mezin’’ ya li ser hin çapemeniyên Îsraîlê daxwaza dayîna daxiyaniyê tê kirin. Ev gotin, aramiya li herêmê têk dibe, aşitiyê red dike û rageşiyê zêde dike.’’
Erebistana Siûdî jî roja Çarşemê daxuyaniyek da û gotinên Netanyahu yên têkildarî piştgiriya ji bo gotina ‘’Îsraîla mezin’’ şermezar kir.
Wezareta Karên Derve da zanîn ku ew ‘’proje û fikrên bicihbûn û belavbûnê’’ yên ji aliyê rayedarên Îsraîlê ve tê pejirandin, bi temamî red dikin.
Her wiha Wezaretê têkildarî Filistînê girêdayî çavkaniyên navneteweyî diyar kir ku ew xwedî mafê qanûnî û dîrokî ye ku di navbera xwe de dewleteke serbixwe û serwer ava bike.
Wezaretê got: ‘’Keyatî, li hemberî binpêkirinên eşekere yên dagirkeriya Îsraîlê ku zirarê dide bingeha rewabûna navneteweyî, welatên dewletan bi fermî binpê dike û gefan li aşitiya herêmê û ewlehiya kûrevî dixwe, hişyariyê dide.’’
LI XEZEYÊ BOMBEBARANA GIRAN
Her wiha artêşa Îsraîlê plana operasyona nû ya li dijî Xezeyê pêk anî. Artêşê da zanîn ku wê roja Sêşemê bi taybetî li Taxa Zeytun a Xezeyê êrîşan pêk bîne.
Çavkaniyê herêmî dan zanîn ku tankên Îsraîlê ber bi başûrrojhilatê Zeytunê û başûrê Tel el-Havayê ve diçin û xaniyan hildiweşînin.
Hamas jî van êrîşan weke ‘’rapelîneke bitalûke’’ pênase dike û diyar kir ku bi taybetî xaniyên li derdora Zeytun û Tel el-Havayê li gel niştecihên wan tên hilweşandin û bombebaran û gulebaran zêde bûne.
WINDAHÎ Û KRÎZA MIROVÎ
Li gorî ajansa nûçeyan a Filistinê ya bi navê WAFA, bes roja Çarşemê di encama êrîşên Îsraîlê de herî kêm 81 Filistiniyan jiyana xwe ji dest dane.
