Meclisa Sûriya Demokratîk (MSD) piştî civîna xwe daxuyaniyek da. Di daxuyaniyê de diyar kir ku çareseriya siyasî Sûriyeyî-Sûriyeyî vebijêrka yekane ya bidawîkirina aloziyê û avakirina dewleteke demokratîk a pirrengî ya nenavendî ye ku yekitiya welat diparêze û rûmeta tevahî xelkên wê bêyî cudahî misoger dike.
MSD’ê destnîşan kir ku pêşketinên bilez ên li Sûriyeyê diqewimin, ji birêvebirina rastiya heyî ber bi beşdarbûna çalak a avakirina dewletek hemwelatîbûn û hiqûqê, li ser bingeha peymanek neteweyî ya berfireh û hevkariyek dadperwer ku aramiya mayînde garantî dike, guherînek pêwîst dike.
MSD’ê destwerdanên derve di kar û barên Sûriyeyê de û pişta xwe dayîna aliyên herêmî yan jî navneteweyî li ser hesabê serweriya neteweyî red dike û girîng da avakirina têkiliyên heseng bi dewletên herêm û cîran re li gorî pransîbên rêzgirtina dualî û berjerwendiyên hevbeş.
Di daxuyaniya MSD’ê de piştgiriya xwe ji bo serkeftina lihevkirina 29ˊê Çileyê dubare kir ku gavek ber kêmkirina aloziyê û vekirina rê li pêş rêveçûna siyasî ya berfireh ve ye.
MSD’ê di daxuyaniyê de gelek xalên bingehîn diyar kirin, weke pêşxistina binesaziya xwe ya rêxistinî û siyasî li gorî merheleya nû, tevlêbûna nava formatkirina peymana neteweyî ya li ser yekitiya Sûriyeyê xak û gel, hemwelatîbûna wekhev û nenavendiya demokrasiyê. Divê destûrek bi mafên neteweyî ya rewa ya gelê Kurd nas bike, mafên çand, zimanî û neteweyî ya pêkhateyên din wek Suryan, Asûrî, Tirkmen, Ermen û Çerkes biparêze were sazkirin.
Di dewama daxuyaniyê de hat gotin ku divê beşdariya giştî û wekhev ya jinan di jiyana siyasî û cihê biryardanê de hebe, ciwan werin xurtkirin û tev li tevahî merheleyên proseya siyasî û civakî bin.
MSD’ê banga avakirina saziyeke leşkerî ya neteweyî ya pîşeyî ya yekgirtî bi rêya rêveçûna entegrasyona lihevkirî kir, pejirandina edaleta pêvajoya veguhêz ji bo çareserkirina şopên borî, aşkerakirina rastiyan û avakirina şert û mercên vegera ewle û rûmet ya koçberan.
Di dawiyê de MSD’ê da zanîn ku ew bi awayekî erênî ji bo şikildana siberoja Sûriyeyê kar dike, tevahî enerjiya xwe bo xizmeta projeya neteweyî ya berfireh a bi armanca avakirina dewleteke Sûriyeyê ya demokratîk a nûjen ji bo pêkanîna hêviyên gel, bi kar tîne.
