Heverokokên Meclisa Sûriya Demokratîk (MSD) û endamê Nivîsgeha Siyasî ya MSDˊê Nesredîn Îbrahîm îro li navenda xwe ya li Qamişloyê şandeyek ji Konfedrasyona Kurd a Ewropa û Yekitiya Parêzerên Kurd li Almanyayê ku ji gelek kesayetên di warê hiqûqî û civakî ya li Ewropayê de aktîv in, pêşwazî kir.
Şande ji nûnerên Yekitiya Parêzerên Kurd li Almanyayê; Rûken Reşîd, Mihemed Elo, Menan Meho û Mihemed Reşîd, û nûnerên Konfedrasyona Kurd li Ewropa; seroka Konfedrasyona Kurd li Ewropa (ji Almanya) Fayze Yûnis, berdevka Konfedraliya Jinên Kurdistanê (ji Belçîka) Felek Murad û Omer Mihemed, pêk tê.
Her du aliyan rêbazên koordîna û hevkariya di navbera saziyên Rêvbeberiya Xweser û aliyên Ewropayê de, mekanîzmeya pêşxistina têkiliyên saziyane de nîqaş kirin.
Her wiha MSDˊê proje û nêrîna xwe ya ji bo çareseriya siyasî li Sûriyeyê ya li ser bingeha diyaloga navxweyî û avakirina dewleteke demokratîk a nenavendî ku mafên tevahî pêkhateyên bêyî cudahî misoger bike, pêşkêş kir.
MSDˊê diyar kir ku ezmûna Rêveberiya Xweser ezmûneke pratîkî ya birêvebirina demokrasiyê ye, ku dikare ji bo welat bibe çareseriyeke niştîmanî ya berfireh, edalet û hemwelatîbûna wekhev pêk bîne.
