Daxuyaniya Navenda Ragihandin û Çapemeniyê ya Hêzên Parastina Gel (HPG-NRÇ) bi vî rengî ye:
“Hevrêyê me Denîz Gezmîş li Herêma Şehîd Delîl a Rojavayê Zapê li Qadên Berxwedanê yên Girê Amediyê ji êrîşa dijmin a kîmyewî bandor bû, ku lê milîtaniya Apoyî ya fedayî, gerîlatiya serdema nû û taktîkên dewlemend xwe gihandine astên herî bilind û dîrok hatiye nivîsandin. Demekê tedawî dît û têkoşîneke jiyanê ya xurt da meşandin lê belê tevî hemû hewlan jî di 29’ê Adara 2025’an de tevlî karwanê şehîdan bû.
Hevrêyê me Denîz ê ku weke milîtanekî fedaî ê têkoşîna azadiya gelê me tev digeriya, ji bo azadiya gelê me bêyî dudilî li ber xwe da. Di wê baweriyê de bû ku li Kurdistanê azadî wê bes têkoşîneke li ser xeta fedaîbûnê û şerî pêk were û wisa jî tev geriya. Hevrêyê me Denîz milîtanekî fedaî yê Apoyî yê wisa bû ku hemû kêliyên jiyana xwe serkeftinên mezin tije kirin û bi tevlîbûna xwe ya bêhesab bû mînak. Heya kêliya şehadetê jî ji vê berxwedana xwe û sekna xwe bi tu awayî tawîz neda. Bi sekna xwe di jiyanê de û dijwartiya têkoşîna xwe wê tim ji me re pêşengtiyê bike û bîranînên wî wê rêya me ronî bike. Em weke hevrêyên wî ji malbata hevrêyê xwe Denîz Gezmîş û hemû Kurdistanê re sersaxiyê dixwazin, li ber bîranînên hêja yên hemû şehîdên xwe careke din bejna xwe bi rêzdarî û minetdarî ditewînin.
Agahiyên derbarê nasnameya hevrêyê me Denîz Gezmîş bi vî rengî ne:
|
|
Nasnav: Denîz Gezmîş |
Hevrêyê me Denîz ê ku li bajarê Xoy ê Rojhilatê Kurdistanê ji dayîk bûye ku bajarê Xoyê ewladên xwe yên herî hêja dane refên têkoşîna azadiyê û lê hişmendiya welatparêziya kûr gelekî tê jiyîn, li gorî nirxên xwe yên cewherî mezin dibe. Welatparêziya derdora wî û tevlîbûnên ji bo refên Têkoşîna Azadiya Kurdistanê bûn wesîle ku hevrêyê me hê di zarokatiya xwe de partiya me PKK’ê nas bike. Hevrêyê me heya dibistana amadeyî diçe dibistanên rejîmê û di vê serdemê de jî tim li hemberî polîtîkayên pergalê yên tekparêz hesas bû. Zexta li ser zimanê dayikê ku hebûna herî hêja ya gelekî ye, bûn sedem ku li cem hevrêyê me nakokiyên kûr peyda bibin. Li derdora hevrêyê me tim qala qehremaniyên gerîlayan dihat kirin û vê yekê jî eleqeya hevrêyê me ya ji bo Tevgera me zêde kir. Li gel mezinbûnê lêgerînên bersivpeydakirina ji nakokiyan re jî kûrtir bûn. Hevrêyê me yê ku ji Şoreşa Azadiya Rojava û çalakiyên gerîlayan moraleke mezin digire, ji bo rojên tevlîbûna nava refên gerîlayan xwe amade kir. Hevrêyê me yê ku ji têkoşîna bêhempa ya ciwanên Kurd ên birûmet ya di nava refên azadiyê de hêzeke mezin digire, ji bo tevlîbûnê dest bi lêgerînan dike. Hevrêyê me yê ku dixwest tevlî berxwedana destanî ya li dijî operasyonên dewleta Tirk a dagirker ên li ser Herêmên Parastina Medyayê daye destpêkirin bibe, ji şehadetên ku çêbûn gelek bandor bû. Hevrêyê me yê ku di ferqa berpirsyariyên xwe yên dîrokî de ye, di sala 2021’an de biryara tevlîbûna nava refên Têkoşîna Azadiyê ya Kurdistanê da.
Hevrêyê me Denîz ê ku perwerdeya xwe ya gerîlatiyê li Herêmên Parastinê yên Medyayê dît, bi saya taybetmendiya xwe ya bi coş û kelecan di demeke kûrt de hînê jiyana çiyê û gerîlatiyê bû. Bi pirsyarkerî û xwesteka xwe ya hînbûnê re ya di pêvajoya perwerdê de, tevlîbûneke mînak raber kir. Hevrêyê me yê ku bi wergirtina perwerdeya leşkerî û îdeolojîk hewl da felsefeya Rêbertiyê me bêhtir fêm bike, lêhûrbûnên kûr jiyan. Di dersên dîroka PKK’ê û Kurdistanê de agahiyên girîng hînbûn û li ser vê esasê bû xwedî zanabûn. Hevrêyê me yê ku dixwest di demeke kurt de derbasî herêmên pratîk bibe û tiştên hînbûye bi jiyanî bike, bi awayekî serketî perwerdeya xwe bi dawî kir. Hevrêyê me yê ku derbasî qada pratîkê bû, di demeke kûrt de tecrûbeyên têkildarê jiyana gerîlatiyê bi dest xist. Hevrêyê me yê ku li hember heybeta çiyayên Kurdistanê mest bû û xwest di nava şert û mercên herî giran de gerîlatiyê bike, pêşniyar kir ku derbasî herêmên ku şer lê giran e. Ji bo li kêleka hevrêyên xwe yên li dijî operasyonên dewleta Tirk a dagirker li ber xwe didin û darbên giran li xeyala dagirkeriyê dixistin cih bigire, berê xwe da herêma Şehîd Delîl a Rojava Zapê. Hevrêyê me bi saya tevlîbûna xwe ya bi moral û jêhatîbûna xwe ya di taktîkên demê de, di demeke kûrt de hûrmeta hemû hevrêyên xwe bi dest xist. Hevrêyê me yê li herêmeke ku tevî şert û mercên kêm jî milîtanên fedaî yên Apoyî çalakiyên serketî pêk anîn û derbên mezin li dagirkeran hate xistin de cih girt, ji bo ku di her xebatê de cih bigire bi israr bû. Hevrêyê me Denîz ê ku her wezîfeya xwe bi biryardarî bi cih anî û ji bo bîranîna hevrêyên me yên şehîd zindî bihêle her kêliya xwe bi serketinên mezin dagirtiye, bû yek ji milîtanên fedaî ên Partiya me.
Li Herêma Şehîd Delîl a Rojavayê Zapê Qadên Berxwedanê yên Girê Amediyê ku herî dawiyê li wir bû, bi hesasiyeta xwe ya ji bo xebatên xwe derket pêş. Hewla di kesayetiya xwe de afirandina terz û tempoya Rêbertî bi israr domand. Bi sekna xwe ya di jiyanê de û bi serweriya xwe ya di terzê şerê gerîlayan ê serdeme nû de erkên xwe bi awayekî serkeftî bi cih anîn. Hevrêyê me Denîz, bi îdîa û biryardariyeke mezin li Qada Berxwedanê ya Girê Amediyê ku lê şerekî dijwar tê meşandin, bi îradeya Apoyî ya tu caran têk naçe li ber xwe da û mîrateya têkoşînê ya tu caran nayê jibîrkirin, hişt.
Hevrêyê me Denîz ji xazên kîmyewî yên dewleta Tirk a dagirker bandor bû û di 29’ê Adara 2025’an de tevlî karwanê şehîdan bû. Em soz didin ku e mê bîranînên pîroz ên hevrêyê xwe Denîz tim zindî bigirin û armancên wî pêk bînin.”
