Gundê Jinwar a li Rojava xwedî wate û bedewiyeke pir mezin e. Dema mirov diçe wî gundî û dibîne bê ka mirov çawa bi awayekî komînal têde dijîn. Wê demê gund ji mirov re pir bi wate û giranbiha tê. Jixwe dema mirov jinan dibîne kelecan digire. Ew jin cihê hurmet û serbilindiyê ne. Gelekî bedew e jin bi komî û xweser dijîn. Bedewiya jiyana wan jî ew e ku weke civaka xwezayî dijîn. Ji hevdu fêm dikin û ev jî ruhê yekîtiyê li cem wan dide çêkirin, fikrê wan zelal dike. Jixwe yên nikarin bi komî bijîn ji Jinwar derdikevin. Ji bo vegerin jiyana xwe ya kevnar û ji derveyî xwesertiyê û ew jî hilbijartina wan bi xwe ye. Teqez divê zanibin ku wê bi qasî li gund bin kelecan û kêfxweşiyê nebînin. Lê hilbijartin di destê wan de ye û ew dizanin.
Li gorî nêrîna min dibe ku ew kes di zanebûna xwesertiyê de nebin. Ev jî wan ber bi jiyana derveyî xwesertiyê ve dibe. Her çi were serê wan gunehê wan bi xwe ye. Ew dizanin, lê li gorî çavdêriya min jinên pir hêja û bi rûmet in ku xwe li warê xwe digirin û xwe diparêzin. Ji bo zarokên wan jî bi aramî bijîn li wir bi cih dibin. Li gorî dixuyê di ser jiyana jinên gundan de çend sal bihurîne. Niha jî gund hatiye avakirin û hejmar jî têrker e ku xwe bi xwe kar û barê xwe bimeşînin, zarokên xwe xwedî bikin û wan perwerde jî bikin. Jiyana komî ya jinan îlhamê dide mirovan û dilê mirov fireh dike.
Li gorî nêrîna min Jinwar xwedî wateyeke pir mezin e. Ew jî wateya xwe ji jiyana jinan a komî digire, gelekî xweş û bedew e. Jiyana civakê li derdora jinê hatiye teşegirtin. Ev jî berhema bedewbûna fikir, felsefe û hestên Rêber Apo yên dewlemend in. Weke tê zanîn avakirina gundê Jinwar li ser fikir û daxwaza Rêber Apo dest pê kir. Li ser ronahiya wê perspektîfê gundê Jinwar hate avakirin. Jinên bêkes û zarokên wan hatin û xwe li gund girtin.
Xweşikiya fikir û ramanên jinan ên komî, jiyana wan watedar dike. Ev jî dihêle jin ji xwe bawer bin û xwe pêş bixin. Me bi xwe jî dît bê çawa jin xuliqkar dibin. Weke dema neolîtîkê dijîn. Jiyana jinan û daxwaza wan a bi hev re weke heval, xwişk û cîran, gund bedewtir dike. Hestên jinan û bertekên wan ên li hemberî hişmendiya pergala zalim û qatilên kastîk wan birêxistin dike, dihêle ku ji hêza xwe bibînin û derfet nedin şaştiyên jiyanî. Dema mirov diçe cem wan destê mirov hew ji wan dibe. Ji ber jiyana wan pir balê dikişîne, hêvî, coş û heyecanê dide mirov.
Rêber Apo em ji xewa giran şiyar kirin, em fêr kirin ku em karibin xwe temsîl bikin û bi vîna xwe ya azad tevbigerin. Derfet da me ku em zanista jinê Jineolojiyê bi sazî bikin. Ev jî me hîn zêdetir me dike deyndarê Rêber Apo. Pêwîst e em bi roj û şev têkoşîn bikin ji bo em deynê xwe bidin.
