Axaftinên vekirinê yên Konferansa Aşitî û Civaka Demokratîk a Navneteweyî ya li Navenda Çandê ya Cem Karaca a Bakirkoyê tê lidarxistin, li gel axaftinên nûnerên YNK û PDK’ê dest pê kir. Piştre derbasî rûniştina yekemîn bû û hate temamkirin.
Di destpêka rûniştina duyemîn de jî peyama Rêveberê Herêma Kurdistanê Nêçîrvan Barzanî ji aliyê berdevkê wî ve hate xwendin.
Naveroka peyama Nêçîrvan Barzanî bi vî rengî ye:
‘’Nêrîna herêma Kurdistanê aşitiyê armanc dike. Ev bes bêdengkirina çekan armanc nake, di heman demê de em di wê baweriyê de ne ku wê bibe lihevkirineke têkildarî hevdûqebûlkirina aliyan. Em dizanin ku ji tundiyê tu encam nayên bidestxistin. Lê belê a niha em dibînin ku ji bo aşitiyê deriyek vebûye. Tirkiye, welat û cînarekî girîng e. Avakirina aştiya li vê derê wê bandorê li tevahiya herêmê bike. Aşitî û aramiya Tirkiyeyê wê bandorê li gelek tiştan bike. Sala borî me bi her awayî piştgirî da aşitiyê. Em dibêjin ku guftûgo wê destkeftiyên mezin bi xwe re bîne. Herêma Kurdistanê amade ye ku ji bo cîbicîkirina aramî û aşitiyê rola xwe bilîze. Dibe ku astengî hebin lê belê divê aşitî neyê astengkirin. Çi qas berdewam dike bile bike, girîng e ku bidome. Ez spasiya her du aliyan dikim ku rewşekî aştiyane ava kirine. Em Serok Ocalan pîroz dikin. Ji ber ku ji bo cîbicîkirina aşitiyê ew kelecan nîşan daye, ji ber ku ji bo pêkvejiyanê ew îrade nîşan daye. Em dizanin ku pêşeroj wê li ser aştiyê were avakirin.”
