Konseya Mafên Mirovan a Neteweyên Yekbûyî (NY) têkildarî destwerdana polîsan a li çalakiyên şermezarkirinê yên li hemberî girtina Şaredarê Bajarê Mezin ê Stenbolê Ekrem Îmamoglû û girtinan daxuyaniyek da. Berdevka Komîseriya Bilind a Konseya Mafên Mirovan a NY’ê Liz Throssell daxuyanî da, nerazîbûneke tund nîşanî destwerdana polîsan da û xwest, kesên hatine girtin tavilê bêne berdan.”
Di daxuyaniyê de hate gotin, “Şaredarê Stenbolê yê bi rêyên demokratîk hate hilbijartin Ekrem Îmamoglû jî di nav de ku bi sûcdariyên nelirê re rû bi rû ye, ji wezîfeyê hate dûrxistin, herî kêm 92 kes hefteya derbasbûyî ji aliyê meqamên Tirk ve hatin binçavkirin. Em ji vê yekê bi fikar in.”
Di dewama daxuyaniyê de hate gotin, “Binçavkirin li welêt bû sedema xwepêşandanan û ev xwepêşandan li sê bajaran bi qedexeyên giştî yên neqanûnî re hatin pêşwazîkirin. Di dema xwepêşandanan de herî kêm 9 xebatkarên medyayê zêdeyî hezar kes hatin binçavkirin.
Kesên ku ji ber mafên xwe bi rengekî rewa bi kar anîn hatin binçavkirin, divê tavilê û bê şert bêne berdan.”
Di daxuyaniyê de bang li rayedaran hate kirin ku li gorî hiqûqa navneteweyî, mafên azadiya kombûnê û azadiya îfadeyê tevbigerin.
