Çalakiya nobetê ya li Wargeha Penaberan a Şehîd Rûstem Cûdî (Mexmûr) ku di 20’ê Tirmeha 2023’an de ji bo azadiya fîzîkî ya Rêber Apo hatiye destpêkirin, bi koma 169’an û di roja 866’an de berdewam dike.
Merasîma dewrgirtina çalakiyê nobetê li Saziya Malbatên Şehîdan a Wargeha Penaberên a Mexmûrê, bi deqeyek rêzgirtin ji bo hemû şehîdên Tevgera Azadiya Kurdistanê hat destpêkirin.
Piştî rêzgirtinê li ser navê koma 168’an çalakvanê bi navê Elî Ziravîkî axivî.
Elî Ziravikî di destpêka axaftinên xwe de qala destpêkirina çalakiya nobetê ya ku li wargehê destpêkirî kir û got: “Çalakiya ku ji bo azadiya fîzîkî ya Rêber Apo û statû ji bo Kurdistanê ku di bin pêşengtiya Meclîsa Îştar de hatibû destpêkirin, ev 2 sal 4 mehin didome. Heta azadiya Rêbertî garantî nebe, wê çalakiya me berdewam bike. Pêvajoya aştiyê ya ku 27’ê Sibatê ya ji aliyê Serok Apo ve hatî destpêkirin 9 mehên xwe temam kir. Ji aliyê rêxistinê ve gavên erênî hemû hatine avêtin, lê mixabin ji aliyê dewetê ve ji derveyî hevdîtina bi Rêbertî re ti gavên netewî nehatine avêtin. Ji ber vê em bang li her çar aliyên Kurdistanê û hemû welatparêzan dikin ku çalakiyên xwe yên demokratîk bi şêwazê xwe yê herî baş bilind bikin. Ji bo em destê Rêbertî xurt bikin û wisa bikin ku dewleta Tirk neçarî gavên hiqûqî bikin.”
Piştî axaftinê, çalakî bi dirûşmeyên ‘Bijî Rêber Apo’ û ‘Bê Serok Jiyan Nabe’ dewrî koma nû hat kirin.
