Nûnerên sazî û rêxistinên Êzidî yên li Qibleta çiyayê Şengalê li çerxerêya Yermûk a navenda bajarê Şengalê li hev kom bûn. Girseyê têkildarî gefên dewleta Tirk ên li ser Şengalê û hewldanên artêşa Iraqê yên dorpêçkirin û bêçekkirina Şengalê daxuyaniyek dan çapemeniyê.
Bi navê nûnerên sazî û rêxistinên Şengalê Endama Koordînasyona TAJÊ Neam Bedel axivî.
Neam Bedel diyar kir ku Iraq planên dijî Şengalê xistiye meriyetê û wiha axivî: “Tiştên niha li Şengalê rû didin, 3’yê Tebaxa 2014’an tîne bîra me. Em bang li hemû dewletên ku komkujiya Êzidiyan wek jenosîd qebûl kirine û hemû rêxistinên mafê mirovan dikin: Li dijî van gefên dewleta Tirk û beşek ji rayedarên Iraqê yên li ser Şengalê bêdeng nemînin. Ev nêzikatiyên ku li Şengalê derdikevin holê, fermana 3’yê Tebaxa 2014’an tîne bîra me. Di 2014’an de jî Şengal ji aliyê DAÎŞ’ê ve hatibû dorpêçkirin, lê niha hikûmeta Iraqê Şengalê dorpêç dike.”
Neam Bedel ragihand ku şervanên YBŞ-YJŞ û Asayîşa Êzidxanê wan ji DAIŞ’ê parastine û axaftina xwe wiha domand: ‘‘Em bang li hikûmeta Iraqê dikin zarokên me yên ku li hember DAÎŞ’ê li ber xwe dane û axa Iraqê parastine, hedef nekin. Ji be rev zarokên me rûmeta Iraqê jî parastin. Em , ji ber ku ev hêzên me ne ku rûmeta Iraqê parastine. Em zêzikatiyên lIraqê yên dijî hêzên YBŞ, YJŞ û Asayîşa Êzidxanê bi tû awayî qebûl nakin.”
Endama Kordînasyona TAJÊ dayê Neam Bedel bi navê sazî û rêxistinên Şengalê banga naskirina hêzên Êzidiyan li Iraqê kir û vê peyamê da: “Banga me ji hikûmetê re ew e ku van hêzan bi awayekî fermî nas bike da ku careke din ferman li ser me ranebe. Eger ev hêz nemînin, wê ferman li ser me berdewam bikin.”
Neam Bedel bang li gel jî kir ku li welat û derveyî welat li hember pîlanên li ser Şengalê bêdeng nemînin û axaftina xwe wiha bi dawî kir: “Divê gelê me yê li Şengalê û derveyî welat jî, li hember van nêzikatiyan bêdeng nebin û rabin ser xwe. Heya gef û xeterî li ser Şengalê hebin, emê jî di çalakiyên xwe de berdewam bin.”
