Objeya navstêrî di çarçoveya projeya çavdêriyê ya bi navê ATLAS de ku navenda wê li Hawaiyê ye, roja Sêşemê hate dîtin û bi leza di saetekê de zêdetirî 200.000 kîlometreyî diçe. Ev leza zêde nîşan dide ku objeya berbehs ne girêdayî rêgeha Rojê ye û ji fezaya navstêrî hatiye.
Obje, ji aliyê Navenda Gerstêrka Biçûk a Yekîtiya Astronomiya Navneteweyî ve weke dûvstêrk hate kategorîzekirin.
Jonathan McDowell ê ji Navenda Astrofîzîkê ya Harvard-Smithsonianê ji AFP’ê re axivî û da zanîn ku rûberê objeya navstêrî ji qeşayê pêk tê.
Richard Moissl ê ji Ajansa Fezayê ya Ewropayê jî da zanîn ku tu xetereya objeya berbehs ji bo cîhanê tune ye, wê ji nava rêgeha Marsê derbas bibe û ji nava sînorên Pergala Rojê derkeve.
Li gorî stêrnasan mezinahiya objeya esmanî bi qasî 10-20 kîlometreyî ye. Lê belê ji ber qeşaya li ser rûberê wê dibe ku mezinahiya wê biçûktir jî be.
Tevî ku lêkolînên têkildarî objeya esmanî berdewam dikin jî li gel daneyên teleskopê yên li seranserê cîhanê yên ji 14’ê Hezîranê û pê ve rêgeha objeya esmanî ji nû ve tê çêkirin.
Hêjayî bibîrxistinê ye ku beriya niha du objeyên navstêrî hatibûn dîtin: Oumuamua (2017) ve Borisov (2019).
