Serokê Giştî yê Partiya Gel a Komarê (CHP) Ozgur Ozel bersiv da pirsên Rojnameya Cûmhûriyetê. Têkildarî pirsa li ser helwesta CHP’ê ya ji bo pêşniyarên ji bo serdana Komîsyona Demokrasî, Xwişk û Biratî û Piştevaniya Mîlî ya ji bo Rêber Apo, Ozel ev bersiv da: “Komîsyon wê rûnê û nîqaş bike. Mekanîzmayên wergirtina biryarê diyar in. Weke CHP, di pêşniyarên rojeva şênber a komîsyonê de eger mijar ji sînorê biryardayinê ya hevalên endamê komîsyonê wêdetir be, divê bigihînin me. Hîn tiştekî bi vî rengî negihîştiye me. Em nizanin bê bi navê komîsyonê wê kî biçe, çi bibe, bi kîjan armancê biçe. Lê belê heta niha ji min jî pirsa ‘Hûn ê biçin Îmraliyê?’ kirin. Di rojeva me de tiştekî bi vî rengî nîne. Dema ku ev yek kete rojeva komîsyonê, çi bi kîjan armancê kete rojevê em ê rûnên, li ser biaxivin, nîqaş bikin û lê binihêrin.”
Ozgur Ozel anî ziman ku di navbera MHP û AKP’ê de ‘şikestinek’ heye û got, “Dema ku destpêkirin hin nuqteyên bingehîn gotibûn. Mînak, wê qet bazarî nebe. Wê bêşert û merc çekan dîne. Wê bangek bê kirin, wê bandorê li Ewropa, Tirkiye, Sûriye, Îran û Iraqê bike. Weke ku YPG jî wê çek daniya. Me hemûyan zanîbûn ku ev rast nîne, lê heqaret li wan mirovan dikirin ku ev yek dianîn ziman. Niha dema mirov li bûyerên li Sûriyeyê diqewimin dinihêrin, li rikberiyê dinihêrin, li nêzîkatiya DYE’yê ya mijara QSD’ê dinihêrin, tê dîtin ku weke li komîsyonê ji demê re dihêlin. Meseleyeke bi vî rengî heye.”
Ozgur Ozel diyar kir ku li şûna rabûna ji komîsyonê, ew ê bang li komîsyonê bikin ku ji bo demokratîkbûna Tirkiyeyê gavên cihê baweriyê biavêje û got, “Gava destpêkê jî girtî û hikumxwarên nexweş e. Piştre jî bila li ser mijara qeyûm biaxive. Em samîmiyeta her kesî bibînin.”
