Parêzgarê Hesekê Nûredîn Ehmed bi nûnrên rêxistina UNICEFˊê û gerînendetiyên avê û perwerdê re rêbazên lezdana jinûve pêxistina stasyona avê ya Elokê nîqaş kir.
Di civînê de gerînendeya Nivîsgeha Rêxistinê Julie Varanda xebatên rêxistinê li parêzgehê û derfeta pêşxistina hevkariyê bi aliyên fermî re pêşkêş kirin, nemaze jî xebatên girêdayî piştevaniya beşa avê û jinûve sererastkirina binesaziyan ji bo xizmetguzariyên bingehîn.
Parêzgarê Hesekê Nûredîn Ehmed bal kişand ser pêwîstiya lezandina jinûve pêxistina stasyona avê ya Elokê ku jêdera sereke ya ava vexwarinê ji bo xelkê bajarê Hesekê û gundewarên wê ye. Her wiha parêzgar bal kişand ser derfetdayîna sererastkirina hejmarek dibistanê li parêzgehê dîtine.
Ev gav di demekê de tên ku nêzîkî 1.5 milyon kes li Hesekê û gundewarê wê bi krîzeke avê re rû bi rû ne. Ev krîz ji sala 2019ˊan û vir ve, piştî ku pompekirina avê ji stasyona Elokê ya li herêma Serêkaniyê rawestiya dewam dike. Ji ber wê jî şênî avê bi stêrên ku lêçûnên xwe zêde ne yan jî bi rêya bîran ku ji bo vexwarinê ne paqij in dikirin.
Ava stasyona Elokê di 4 salên borî de zêdetirî 28 caran ji ser bajarên Hesekê û Til Temirê qût bûbû û ji Hezîrana 2023ˊyan ve rumxî navbeynkariyên dubare yên navneteweyî jî bi temamî qut bûye.
Hîna krîza avê ya parêzgeha Hesekê li benda gavên pratîkî ye ku ji nû ve stasyona Elokê bi temamî were pêxistin û zehmetiyên salên borî bi dawî bibin.
