DBP, Partiya DEM, Partiya Şoreşger, EHP, EMEP, ESP, HALKEVLERİ, SMF, SODAP, SYKP, TİP, TOP û Partiya Çep a Kesk bi daxuyaniyeke hevpar, derbarê êrîşên HTŞ û çeteyên di bin kontrola dewleta Tirk ya dagirker de yên li ser Bakur û Rojhilatê Sûriyeyê daxuyaniyeke nivîskî weşandin.
Daxuyanî wiha ye:
“Tiştên ku rojên dawî li Sûriyeyê diqewimin nîşan didin ku herêm ketiye pêvajoyeke pir xeternak ku herêmê ji nû ve dikişîne nav rewşeke şer û pevçûnan. Di dema ku Rojhilata Navîn li gorî planên emperyal ji nû ve tê sêwirandin; şer û komkujî li ser Netewa Kurd tê ferz kirin. Ji roja ku rêveberiya demkî ya Şamê hatiye ser kar û vir ve, gel û baweriyên cuda yên Sûriyeyê bi êrişan re rû bi rû mane. Pêşî li Lazkiye û herêma peravê komkujiyên ku Elewiyên Ereban dikirin hedef pêk hatin, piştre jî li Siweydayê gelê Durzî bi gefeke eşkere ya komkujiyê re rû bi rû hate hiştin.”
Niha jî bi destê HTŞ û çeteyên çekdar ên griêdayî wî ve, li dijî gelê Kurd pêvajoyeke êrîşî ya berfireh û plankirî hatiye destpêkirin. Ev êrîşên ku li dijî îdiaya jiyana azad û wekhev ya gelan e, hebûna gelê Kurd hedef digre.
Em li gel gelê Kurd ku li Sûriyeyê di bin metirsiya komkujiya eşkere de ne, em ê li dijî van êrîşan bêdeng nemînin! Parastina destkeftiyên demokratîk ne tenê ji bo gelê Kurd, parastina pêşeroja azad, wekhev û bi rûmet a hemû gelên herêmê ye.
Em bang li hemû hêzên şoreşger, alîgiriyên demokratîk û aştiyê dikin; li ser bingeha xwişk-biratiya gelan û têkoşîna hevpar piştevaniyê bidin gelê Kurd. Em bang li gelên Rojhilata Navîn û gelên cîhanê dikin ku li dijî qetilkirina gelan a bi planên emperyal aştî, wekhevî û azadiyê biparêzin. Tu êrîş û polîtîkayên şer nikarin li hemberî îradeya rêxistinkirî ya gelan bi ser bikevin.
