Gelek partiyên siyasî yên Kurd bi pêşengtiya Partiya Komonîst ya Kurdistanê li Baregeha Liqa Kerkûkê ji bo piştevaniya Rojava li hev kom bûn.
Piştî civînê daxuyaniyek hate dayîn.
Di daxuyaniyê de hate destnîşan kirin ku ya niha li Rojavayê Kurdistan û Sûriyeyê rû dide, dewama siyaseta jenosîdkirina gelê Kurde û ev hate gotin: “Daxwaz ji civaka navneteweyî û saziyên mafê mirovan dikin ku erk û berpirsyariyên xwe yên dîrokî û exlaqî li ser stûyê we ye yê ji bo parastina gelê Kurd û pêkhateyên din bi cih bînin. Pêşiya êrişên komên çete yên li ser jîngehên sivîlan bidin sekinandin.
Em li gel çalakiyên sivîl, zextên kolan û xebatên dîplomasî li ser asta navxwe û navneteweyî dikin. Em spasiya hemû hewldanên berhevkirina alîkariyê dikin. Ev erkekî welatî û mirovî ye. Daxwaza hemû aliyan dikin ku piştgiriya van pêngavan bikin.”
