Ev cûreyê pisîkên bejî ku tenê li Başûrrojhilatê Asyayê ye, bi giranî li qadên avî û çiravî dijîn. Lê belê ev ekosîstem ji ber veguherîn û firehbûna çandiniyê di bin xeteriyeke cidî de ne. Dîmenê herî dawî yê dîtina pisîka serîpehn a li Taylandê sala 1995’an bû.
Parkên Neteweyî yên Taylandê û Panthera, Daîreya Nebat û Jiyana Bejî, Princess Sirindhorn Wildlife Sanctuary ku li ser pisîkên bejî dixebitin, par bi bikaranîna xefikên wêneyan dest bi karekî ekolojîk kirin. Di çarçoveya vê lêkolînê de pisîkên serîpehn 29 caran hate tespîtkirin. Ji ber ku ev cûre ji aliyê nexşan ve dişibin hev, nehate zelalkirin bê dîmenê çend ji wan hatiye kişandin. Lê belê rayedar dibêjin, li herêmê gelek hene.
Di dîmenan de pisîkek li gel çêlika xwe hate dîtin. Ev yek ji bo vî cûreyê pisîkan ku tenê çêlikekê tîne, bû cihê kêfxweşiyê.
Kaset Sutasha ku bi salan li ser pisîkên bejî dixebite, ev keşfa nû weke “cihê kelecaniyê” pênase kir û anî ziman ku ev yek tenê destpêkek e. Kaseta Sutasha got, “Ya girîng ew e ku ji niha û pê ve wê çi bê kirin; divê derfet bêne afirandin ku ev heywan bêyî li gefekê rast bên karibin bi me re bijîn.”
Pisîkên Serîpehn li gel Taylandê li Malezyayê, Sumatra û Borneoyê ne. Ev cûreyê pisîkan xwe bi masî, beq û karîdesan xwedî dikin.
