Cihêrengiya nêrînan a navbera Washington û Berlînê ku dema dawî zêde bûye, bi giranî li ser mijarên parastin û polîtîkayên têkildarî Rojhilata Navîn e. Piştî ku rêveberiya Trump sinyala wê yekê da ku hebûna leşkerên xwe yên li Ewropayê dikare di ber çavan re derbas bike, li nava NATO’yê nîqaş ji nû ve zêde bûn.
Yekîtiya Ewropayê diyar kir ku hebûna leşkerî ya Dewletên Yekbûyî yên Emerîkayê (DYE) ya li Ewropayê ne tenê ji bo ewlekariya parzemînê, her wiha ji bo berjewendiyên global ên Washingtonê jî girîng e. Ji berdevkên Komîsyona Yekîtiya Ewropayê Anitta Hipper di civîna çapemeniyê de got, “Bicihbûna yekîneyên DYE’yê li Ewropayê xizmetê ji karên global ên DYE’yê re dike.”
Serokwezîrê Elmanyayê Friedrich Merz jî bersiveke yekser neda daxuyaniyên Trump, lê işaret bi girîngiya têkiliyên transatlantîk kir. Merz li Munsterê axivî û got, “Em di demeke zehmet re derbas dibin, lê belê xeta me zelal e: Ev xet xwe dispêre hevkariya transatlantîk a cihê baweriyê û NATO’yê.”
Merz destnîşan kir ku têkiliyên bi DYE’yê re ji bo Elmanyayê stratejîk e û anî ziman ku parastina vê hevkariyê ji wan wan yek ji karên sereke ye.
