Partiya Jiyana Azad a Kurdistanê (PJAK) cejna Newrozê bi peyamekê pîroz kir.
Daxuyaniya PJAK’ê wiha ye:
“Newroz di dîroka qedîm a gelê Kurd de bi boneya serkeftin û azadiyê hatiye pîrozkirin. Îro jî carek din ji bo destpêkirina qonaxeke nû ya jiyana azadiya gelê me, destpê dike. Gelek ku tîbûnê azadiyê ye bêguman roj bi roj ji bo bidestxistina azadiya yekcar têdikoşe û vê yekê bi vegera Newrozê re pîroz dike.
Gelê Kurd û Tevgera Azadiya gelê Kurd niha di qonaxeke azadiyê dene. Yekitiya gelê me ya li qadan, bi taybet li qadên Newrozê coş û keyfxweşiyek zêdetir dide hemû azadîxwazan. Qonaxa ku Rêber Apo weke destkeftiya ‘Aştî û Civaka Demokratîk’ destpê kir, qonaxa serhildana Netewa Demokratîke û tekane rêbaza ku wateyek rast dide Newrozê ye. Newroza îsal beriya qonaxeke nû ya jiyana azad tê pêşwazîkirin. Şoreşê bingehê Newrozê avêt û pîrozkirina wê jî ji bo bidestxistina azadiyê bû.
Tişta ku di 100 salên borî de di bin navê qirkirina fizîkî û çandî de li ser gelê Kurd û gelên bindest hate kirin, bi saya şoreşa gelê me û hêzên gerîla têk çû. Ev serkeftin û destkeftî tê wateya rizgarbûna ji qirkirina fizîkî. Ji ber vê yekê divê bi pêkanîna Civaka Demokratîk watedar bikin. Ji bo wê Rêber Apo îsal bi Newrozê re qonaxeke nû da destpêkirin.
Gelek partî û kom hene ku ji bo berjewendiyên xwe hewl didin vê pêvajoyê têk bibin, lewma xwedîderketina gelê me dikare careke din hemû planên dijmin û berjewendîparêzan pûç bike Ji Newroza par ve gelê Kurd gelek destkeftî bi dest xistine û her tim hewl daye van destkeftiyan biparêze. Bê guman ruhê pêşeng ê Tevgera Azadiya Kurd dê van destkeftiyên ku bi ked û fedakariyê hatine bidestxistin biparêze û li ser bingeha vîn û rêya têkoşînê wateya rast a Newrozê ragihîne.
Bê guman jin pêşengên hevdem ên vê qonaxa tijî destkeftî ne û rêya azadî û demokrasiyê wê bi hebûn û rola jinê bi felsefeya Jin, Jiyan, Azadî pêk were. Jinan bi salan di vî warî de gavên erênî û serketî avêtin, zêdetir bi dest xistin û hêviyên azadiyê mezin kirin.
Wateya Newrozê û nirxê têkoşînê bê jin nayê parastin û nagihije azadiyê. Bi saya hebûna jinê gelê me di refên têkoşînê de pêşengiya gelên Rojhilata Navîn dike û ciwanan, wê berjewendiyên hemû netewên bindest ên Rojhilata Navîn misoger bike. Bihara Jinê û Newrozê bi saya Tevgera Azadiya gelê me, bi avakirina “Civaka Demokratîk” di qonaxa bidestxistina “Bihara Azadiyê” de ye. Bêguman bi têkoşîna jin û ciwanan avakirina Neteweya Demokratîk wê berjewendiyên hemû neteweyên bindest ên Rojhilata Navîn misoger bike.
Newroz tê wateya bidawîbûna şer, cejna azadî û serhildana Netewa Demokratîk û Civakek Ekolojîke. Tevgera şoreşa civakî ya ku di sê salên borî de li Îran û Rojhilatê Kurdistanê derketiye holê, dikare bigihêje encameke diyarker. Bêguman tişta ku di van sê salên derbasbûyî de weke ‘tevgereke şoreşgerî ya civakî’ li Îran û Rojhilatê Kurdistanê derketiye holê, dikare bi çareseriya pirsgirêka Kurd bigihe encameke diyarker û bi kêrî hemû gelên herêmê were. Ji ber vê yekê çareseriya pirsgirêka Kurd ji bo welatên herêmê bi taybetî jî Îranê dê azadî, aştî û aramiyê bîne.
Em careke din Newrozê li jinan, gelê Kurd û hemû gelên bindest pîroz dikin. Bi vê boneyê em bang li her kesî dikin ku bibin yek û xwe ji helwestên yekalî dûr bixin, bi awayekî girseyî ku li gorî ruhê Newrozê ye berê xwe bidin qadên Newrozê. Xwedî li banga Rêber Apo ya pêşxistina aştî û çareseriya aştiyane ya ji bo pirsgirêka Kurd derbikevin. Bi vegerandina Newroza îsal bi Newroza civaka demokratîk, em bi dirûşmeya “Newroza Berxwedan û Azadiyê” Newroza her kesî pîroz dikin.
Em daxwaz dikin ku têkoşîna gel û xwedîderketina li Newrozê ku ji bo azadiya Rêber Apo ya tê wateya çareseriya pirsgirêka Kurd ku pir girînge, bi vê berpirsyariyê beşdarî Newroz û cejna azadî û demokrasiyê bibin.”
