Katz di daxuyaniya li ser X’ê dayî de, diyar kir ku Serokatiya Fermandariya Giştî ji bo qonaxa din a şerê li Xezeyê xwedî maf e ku nêrîna xwe îfade bike, lê neçar e ku biryarên siyasî yên hikûmetê “bi biryardarî” pêk bîne.
ARTÊŞA ÎSRAÎLÊ DUDIL E
Çapemeniya Îsraîl ev çend roj in dudiliya Serokatiya Fermandariya Giştî ya têkildarî berfirehkirina operasyonên leşkerî yên li Xezeyê, hetta muxalefeta wê nîşan dide.
Rayedarên artêşa Îsraîlê difikirin ku operasyoneke leşkerî ya mezin a ji bo fetihkirina Xezeyê, wê bibe sedem ku bi dehan leşker canê xwe ji dest bidin û gelek jî birîndar bibin.
Serokê Fermandariya Giştî Eyal Zamir wê pêşniyarên artêşê û encamên stratejîk, her wiha dudiliya xwe ya têkildarî operasyona bi dest xistina Xezeyê, pêşkêşî kabîneya hikûmetê bike.
TRUMP BERSIVEKE ZELAL NEDA
Medyaya Îsraî Ynet ragihandibû ku Serokê DYE’yê Donald Trump plana bi temamî dagirkirina Xezeyê, erê kiriye.
Roja sêşemê Trump daxuyanî da rojnamevanan û têkildarî pirsa gelo wê piştgirî bide plana dagirkirinê yan na, bersiveke zelal neda.
DI DU SALAN DE BI DEH HEZARAN MIRIN, KRÎZA MIROVÎ
Operasyona leşkerî ya ku Îsraîl nêzî du sal in li Xezeyê didomîne, bû sedema mirina bi deh hezaran kesan, krîza xurekê. Her wiha bû sedem ku hema bêje bi temamî nifûsa Xezeyê ji cihê xwe bibe û li Dîwana Edaletê ya Navneteweyî bu sedema sûcdarkirina qirkirinê û li Dadgeha Ceza ya Navneteweyî jî bû sedema sûcdarkirina sûcê şer.
Îsraîl van sûcdarkirinan red dike û êrîşa xwe ya leşkerî weke mafê parastina rewa ya li dijî êrîşa Hamasê ya Cotmeha 2023’yan nîşan dide.
