Serokdewletê Rûsyayê Vladimir Pûtîn roja Îniyê daxuyanî da û ji bo Ûkraynayê fikrekî nû pêşniyar kir.
Vladimir Pûtîn di serdana ku li bakurêrojavayê Murmansk’ê pêk anî de, wiha got: “Helbet têkildarî avakirina rêveberiyeke demkî ya li Ûkraynayê di bin sîwana Neteweyên Yekbûyî (NY) de em dikarin bi Dewletên Yekbûyî yên Emerîkayê (DYE), welatên Ewropayê, hevkar û dostên xwe re hevdîtinê bikin.”
Her wiha Pûtîn got, hêzên Rûs di hemû çeperên li Ûkraynayê de xwedî ‘înîsiyatîfa stratejîk in’.
Serokê Dewleta Rûs ev tişt jî li axaftina xwe zêde kir: “Gelê Ûkraynayê divê bizane ka çi diqewime.”
Li aliyê din hêzên hewayî ya Ûkraynayê ragihand ku Rûsyayê di tevahiya şevê de bi 163 balafirên bê mirov êrîş pêk anîn.
Hêzên hewayî diyar kirin ku 89 balafirên bêmirov hatin xistin, 51 jî ji ber hin sedemên elektronîk negihiştin hedefa xwe. Têkildarî 23 balafirên bêmirov ên mayî jî, ti daxuyanî nehat dayîn.
Bi hatina Donald Trump a li ser DYE’yê re, rewşa nû li Ûkraynayê gihişt qonaxeke nû. Nêzîkbûna Trump a bi Rûsyayê re û rexneyên wî yên tund ên li hemberî Ûkraynayê, bû sedem ku şer jinûve were nirxandin. Trump têkildarî Ûkraynayê, Yekîtiya Ewropayê (YE) ji nedîtî ve hat û bi Pûtîn re dest bi muzakereyan kir.
