Navenda Ragihandinê ya Hêzên Sûriyeya Demokratîk (QSD) der barê şehadeta du fermandaran de daxuyaniyek nivîskî weşand.
Di daxuyaniyê de hate gotin: “Du lehengên me par di demên cuda de, piştî têkoşîneke demdirêj a di nava refên hêzên me de gihiştin asta şehadetê. Her du hevreyên me mohra xwe li qonaxên girîng ên berxwedana me ya dîrokî hem a li dijî rêxistina DAIŞ a terorîst, hem jî li hemberî êrişên dewleta Tirk a dagirker ên li ser herêmên me xist.
Bi serferzî em agahiyên şehadeta hevrêyên xwe Birûsk Firat (Bîlal Totol) û Diyar Xemgîn (Mihemed Toprak) radighînin.
Hevrêyê me Birûsk Firat ji zarokatiya xwe ve hezkirina welat û parastina wê ya bi hemû rêbazan hilgirtibû. Di tevlêbûna nav refên hêzên me de dudilî nebû. Hevrê Birûsk ji malbatek welatpazêr e ku xwedî dîrokeke dirêj a xebata şoreşgerî ye. Malbata wî ji ber girêdana xwe ya bi helwest û nirxên neteweyî bedelên giran dan. Coş û girêdana hevrêyê me ya di têkoşîn û berxwedanê de bê sînor bû. Bi hemû enerjiya xwe xebitî da ku erk û peywirên ku ji wî re hatine spartin bi ser bikevin. Di warê pratîkî de xwedî ezmûneke berfireh bû. Li gelek eniyan li ber xwe da û bû mînakek fermandarê wêrek ku ji zehmetiyan natirse. Di rewşên herî zehmet de ji şert û mercan serkeftin diafirand. Li gorî planeke zelal û zanistî dixebite, armancên xwe di ser her tiştî re digirt, piştre hêdî hêdî plana xwe bi rehetî û rihekî şoreşgerî pêk dianî.
Hevrê Birûsk tevî ku nexweşiya dîsk di pişta w de hebû jî, lê bi hemû enerjî û çalakbûna xwe karê xwe domand. Evîna wî ya li hemberî berxwedan û têkoşînê her tim li pêş bû û birîna xwe bê wate didît. Li eniyên şer û berxwedanê berpirsiyariyên mezin hilgirt ser xwe. Di têkoşînê de xebata bi awayekê kolektîf esas digirt. Bi tevlîkirina hevalên xwe li nava berxwedanê moralê wan bilind dikir û wan bi rêgezên bingehîn ên şer, perwerde, taktîkên leşkerî yên serketî bi wan dida nasîn. Tiştê ku ew di dema berxwedanê de herî zêde li ser disekinî parastina hevalên xwe ji êrişên xayîn ên dijmin bû. Bi baldarî tev digeriya û hewl dida ku hevalên wî zirarê nebînin. Ev yek ji bi serê xwe xwe rihê wî yê fedaî nîşan dide.
Hevreyê me Birûsk di mijarên bîrdozî yên siyasî û leşkerî yên ku welat û gelê wî eleqedar dike, xwedî lêhûrbûneke mezin bû. Xwe di aliyê zanînê de her tim bi pêş dixist. Li gel ku fermandarekî leşkerî bû têkoşerekî siyasî yê mezin bû. Nîqaşên siyasî yên kûr dikir, xwedî helwesteke wêrek û pêşketî bû ku xwe dispart hêza xwe ya analîtîk de. Şehadeta wî ji bo her kesên ku wî nas kirine û pê re kar kirine êşek hişt. Di asta dayîn û berxwedana xwe ya mezin de şehîd bû.
Hevrêyê me Diyar Xemgîn jî fermandarek bû. Xwe ji bo welatê xwe feda kir, bi hemû hêza xwe nirxên gelê xwe û reseniya neteweya xwe parast. Hevrê Diyar li ku derê bûye têkilî bi derdor û gelê xwe re ava dikir. Bi sadebûn û gotinên xwe yên layîq û di cih de cihê xwe di dilê her kesî de û kesên de çêkir. Di heman demê de coşa xwe ya şoreşgerî bi hemû şanazî û bedewiya wê parast, qet ji bîr nekir ku ew şoreşgerek bû ku erk û berpirsiyariyên parastina gelê xwe ji hemû gefan hildigirt ser milên xwe.
Hevrêyê me Diyar di kesayetiya xwe de wêneya şoreşa me û berxwedana hêzên me ya li dijî her cûre êrişên li herêmên nîşan da. Fermandarek bû ku ji tunebûna derfet diafirand û ji bo serxistina xebatên xwe ji tunebûna taktîkên guncaw diafirand. Di şerên ku tê de beşdar dibûn jî çoş û kelecana wî dibû wesîleyên sereke yên bidestxistina serketinan. Ev yek jî bandor li hevrêyên wî jî dikir.
Hevrêyê me Diyar beşdarî dewreyên perwerdehiya pîşeyî bû. Tevî ji kêmbîniya xwe jî bi israra xwe ya di fêhmkirina her tiştên nû di zanistên leşkerî û siyasî de, di kesayetiya xwe de gihîşt astek mezin a pêşkeftinê. Bû fermandarek ku erk û berpirsiyariyan hildigirt ser xwe. Bi exlaqê xwe yê baş û rihê bilind ê hevaltiyê di nava hevrêyên xwe de bibû cihê pêbaweriyê. Hem di dema kar de û hem li derveyî kar jî rihê hevlatiyê parast. Hevrê Diyar kesekî civakî bû. Heta radeyekê zêde takekesîtiyê red dikir û qîmetê nedida wê. Şehadeta wî di her kesê ku wî nas dikir û di hawîrdora wî de bi wî re dixebitî de valahiyek mezin çêkir.
Em sersaxiyê ji xwe, ji malbatên her du şehîdan û tevahiya malbatên şehîdên me re dixwazin. Îro ji her demê zêdetir îsrara me ya pêkanîna wesiyet û emanetên şehîdan ku di stûyên me de hiştine zêdetir dibe. Em teqez dikin ku em dê heya pêkanîna wesiyet û emanetên wan rehet nesekinin heya ku welatekî ewle û aram pêk bînin.
Li gorî daxuyaniyê, agahiyên der barê nasnameyên her du şehîdan wiha ne;
Nasnav: Birûsk Firat
Pav û Paşnav: Bîlal Totol
Navê Dayikê: Umut
Navê Bav: Mihemed
Cih û Dîroka Şehadetê: Pira Qereqozaq- 11’ê Kanûna 2024
Nasnav: Diyar Xemgîn
Nav û Paşnav: Mihemed Toprak
Navê Dayikê: Coner
Navê Bav: Yehya
Cih û Dîroka Şehadetê: Pira Qereqozaq- 9’ê Kanûna 2024.”
