Navenda Ragihandina Hêzên Sûriya Demokratîk (QSD) bi daxuyaniyekê diyar kir ku Tîmên Operasyonên Leşkerî (TOL) gundewarê rojhilatê Dêrazorê şaneyeke DAÎŞˊê bê bandor kir.
Di daxuyaniyê de hat diyarkirin ku “Tîmên Operasyonên Leşkerî (TOL) ên girêdayî QSDˊê bi piştgiriya Hêzên Koalîsyona Navneteweyî roja yekşemê, operasyonek li bajarokê Zîbanê yê rojhilatê gundewarê Dêrazorê li dar dixe, di encamê de şaneyek xeternak a rêxistina DAÎŞˊê ya terorîst bê bandor kir.
Piştî komkirina agahiyên îstîxbaratî yên têkildarî tevgerên şaneyê temam bûn, hêzên me cihê wê dorpêç kir û bang li wan kir ku teslîm bibin, lê endamên şaneyê gule avêtin, bi wê re pevçûn çêbûn. Di pevçûnê de 3 endamên terorîst hatin kuştin û çeteyên bi navê Mazin El Serîx (Ebî Wafî), Fadî El Serîh (Ebî Maimûn), Medyen El Salim, Elawî Ebdurehman (Elî) û Emced El Serîh (Ebî Elî) hatin girtin
Di lêpirsînan de hat diyarkirin ku şaneyê teqemenî û mayîn çêdikirin û vediguhastin û erebeyên bombebarkirî amade dikin, planên ji bo nuqteyên leşkerî, sivîl û saziyên xizmetguzariyê hedef bigirin datanîn.
Hêzên me diyar dikin ku ew di operasyonên xwe yên ewlehiyê de ji bo serdegirtina şaneyên rêxistina terorîst û derbekirina veşartegehên wan dewam dikin, da ku ewlehî û aramî misoger bikin û terorê li herêmê têk bibin.”
