Navenda Ragihandina Hêzên Sûriya Demokratîk (QSD) bi daxuyaniyekê nasnameyên 2 şervanên xwe Besam Ednan El Mihemed El Ebûd (Besam) û Ehmed Adil Şêxmûs (Goran Qamişlo) yên di dem û cihên cuda de şehîd bûn, eşkere kirin.
Di daxuyaniyê de wiha hate gotin “2 şervanên me di dem û cihên cuda de, dema li ser erkên xwe yên leşkerî yên parastina gel û welat bûn, şehîd bûn.
Hevrêyê Besam par, di bersivdana êrîşên dewleta Tirk a dagirker û çeteyên wê li dijî Minbicê de şehîd bû. Hevrê Besam di oxira parastina bajarê tev li şer bû û heta kêliyên şehadetê li ber xwe da.
Hevrêyê me Goran Qamişlo jî di qezayeke leşkerî dema li ser erka xwe ya li bajarê Qamişloyê de bû, şehîd bû. Ji şervanên wefedar bû. Tev li gelek pêngavên leşkerî yên li Dêrazorê li dijî rêxistina “DAIŞˊê” ya terorîst û li Serêkaniyê li dijî dewleta Tirk a dagirker û çeteyên wê bû.
Dê mîrasa hevrêyên me Besam Goran çirayên ji bo dewamkirina berxwedan û têkoşînê bimînin, heta ku serkeftin ji bo gelê me misoger dibe.
Em sersaxiyê ji malbatên her du şehîdan û tevahî malbatên şehîdan xwe re dixwazin û soz didin ku em ê hêvî û armancên wan ên welatekî azad, ewle û ji teror û dagirkeriyê vala pêk bînin.
Nasnameyên şehîdan wiha ne:
Nasnav: Besam
Nav û paşnav: Besam Ednan El Mihemed El Ebûd
Navê dayikê: Kîfaya
Navê bav: Ednan
Cihê jidayikbûnê: Minbic
Cih û dîroka şehadetê: Minbic-08ˊê Kanûna 2024ˊan.
Nasnav: Goran Qamişlo
Nav û paşnav: Ehmed Adil Şêxmûs
Navê dayikê: Îlham
Navê bav: Adil
Cihê jidayikbûnê: Hesekê
Cih û dîroka şehadetê: Qamişlo-gundê Amir-qeza leşkerî, 02ˊê Mijdara 2024ˊan.”
