Artêşa Iraqê doh bi şev li taxa Yermûkê ya li navenda bajarê Şengalê kemîn danî pêşiya wesayitek ku şervanên YBŞ’ê tê de bûn. Navenda Ragihandin û Çapemeniyê ya YBŞ’ê ragihand ku di bûyerê de 3 şervan birîndar bûn ku rewşa yek ji wan giran bû.
Artêşa Iraqê piştî êrîşê hêzeke giran a leşkerî şand navenda Şengalê. Rageşiya li herêmê û rewşa awarte dewam dike.
Rêveberiya Xweser a Şengalê li dijî hewldanên provokasyonê yê hêzên Iraqê xwest bi konvoyê ji quntara Çiyayê Şengalê ji Serdeştê derbasî navenda bajarê Şengalê bibe. Lê belê konvoy di navbera Çilmêran û Şengalê de li benda kontrolê ya artêşa Iraqê ya bi navê ‘Amûd’ hate astengkirin.
Xelk û ciwanên Şengalê bi dirûşma ‘Bijî Berxwedana YBŞ’ê’ bersivê dide hewldana provokasyonê ya artêşa Iraqê. Rageşiya navbera gel û artêşê dewam dike. Leşkerên Iraqê derbasî pêşiya jin û dayikan dibin û dixwazin gel bi çekan bitirsînin.
