Reutersê li gorî agahiyên ji du çavkaniyan Wezareta Petrolê ya Iraqê wergirtî ragihand ku Wezareta Petrolê ya Iraqê têkildarî hinardekirina petrolê bi ser Herêma Kurdistanê re peyamek ji hikûmeta Herêma Kurdistanê re şandiye.
Li gorî heman çavkaniyan, di peyamê de hatiye gotin ku destûr bê dayîn petrola Kerkûkê bi rêya boriya petrolê ya Herêma Kurdistanê di bendera Ceyhanê ya Tirkiyeyê re were hinardekirin.
Reuters’ê destnîşan kir ku Iraq dixwaze rojane bi rêya vê boriyê nêzîkî 100 hezar bermîl petrol hinarde bike û dibe ku ev rêje di paşerojê de were zêdekirin.
Reuters’ê da zanîn ku Bexda wê lêçûna veguhestina petrolê hilgire ser xwe, lê hikûmeta demborî ya Herêma Kurdistanê hîna bersivek nedaye Bexdayê.
Hêjayî gotinê 3’yê Adarê Supayê Pasdarên Îranê ragihand ku Tengava Hurmuzê hatiye girtin û diyar kir ku keştiyên ku hewl bidin derbas bibin wê bibin hedef. Tengava Hurmuzê ku Kendava Basrayê bi Kendava Omanê û deryayên vekirî ve girêdide wekî rêyek avê ya stratejîk tê zanîn ku beşek girîng a bazirganiya petrolê ya cîhanî ji wir derbas dibe. Pispor diyar dikin ku girtina tengavê dikare di bazarên cîhanê rê li ber guherînên cidî veke û di serî de wê aboriyên pêşkeftî yên ku girêdayî enerjiyê ne bihejîne.
