Rêxistina Qirkirinê li bajarê Silêmaniyê bi dirûşmeya ‘Ev 10 salin êşên Şengalê nehatine pêçan’ daxuyaniya çapemeniyê da.
Daxuyanî ji aliyê Aras Halîl ve hat xwendin. Aras Halîl wiha got: “Dagirkirina Şengalê bi qirkirina Êzidiyan re destpê kir. Mêrên Êzidî bi awayekî bêrehm hatin qetilkirin, jin û zarok dîl hatin girtin.”
Halîl diyar kir ku divê lêpirsîna der barê Qirkirina Şengalê ji raya giştî re bê parvekirin û hemû hêzên berpirsê parastina gelê Êzidî ku wan bi tenê hiştin û reviyan bên darizandin û Iraq tezmîneta madî û manewî bide gelê Êzidî.
Di daxuyaniyê de hat destnîşankirin ku divê piştgirî bê dayîn pêvajoya vegera civaka Êzidî ya ji bo axa xwe û alîkariya madî ji bo avakirina malên wan ên hatiye xira kirin, bê dayîn.
Di dawiya daxuyaniyê de wiha hate gotin, “Pêwîste gotên komî yên li Şengalê werin tespîtkirin û siyaseta aştî û aramiyê serwer bibe.”
