Rojbûna Rêber Apo li bajarê Sydney ê Awustralyayê, di Navenda Civaka Demokratîk a Kurd (NCDK) de bi çalakiyeke girseyî hat pîrozkirin.
Piştî deqeyeke rêzgirtinê ya ji bo bîranîna şehîdên şoreşa Kurdistanê, Hevserokê Federasyona Civaka Demokratîk a Kurd a Awustralyayê Brûsk Ayveri axivî û got:
“Rojbûna Rêber Apo ya ku îfadeya ji nû ve jidayikbûna gelê me ye, li her çar parçeyên Kurdistanê û li hemû mirovahiyê pîroz be. Jidayikbûna Rêber Apo, îfadeyeke xurt a ji nû ve derketina gelê Kurd a ser dika dîrokê ye, ku sed sal in bi polîtîkayên qirkirinê re rû bi rû maye. Ji ber wê jî wate û nirxa vê jidayikbûnê ji bo dîrokê, Kurdan û mirovahiyê pir mezin e. Dîsa salvegera damezrandina PJAK û YPJ’ê yên ku bi felsefeya ‘Jin, Jiyan, Azadî’ ya Rêber Apo derketine holê, li gelê me pîroz be.”
Kwestan Başûr jî helbesta ku li ser rojbûna Rêber Apo nivîsandibû xwend.
Di çalakiyê de sînevîzyonek li ser damezrandina PJAK û YPJ’ê hat nîşandan. Pîrozbahî bi gerandina govendê bi dawî bû.
