– Bûyerên piştî Banga Aştî û Civaka Demokratîk a Rêber Apo wê bêne şopandin.
– Êrîşên çeteyên HTŞ’ê yên hikûmeta demkî ya Sûriyeyê li ser bajarên Rojava û pêşketinên têkildar wê werin şopandin.
– Çalakiyên ku li Kurdistan, Tirkiye û Ewropayê li dijî êrîşên li Rojava hatine kirin wê werin şopandin.
– Duran Kalkan diyar kir ku li pey êrîşên li ser Rojava, li her çar parçeyên Kurdistanê û li her derê cîhanê Kurd û derdorên demokratîk rabûne ser piyan. Kalkan destnîşan kir ku berxwedana Kurdên Rojava careke din bandor li cîhanê kiriye.
– Pêşniyaznameya ku ji aliyê parlementerên LIVRE’yê ve hatibû pêşkêşkirin, dê di 13’ê Sibatê de li Parlamentoya Portekîzê were nîqaşkirin. Ev pêşniyazname bang li Hikûmeta Portekîzê dike ku rewşa mirovî bişopîne û li Rojava parastina mafên mirovan bike.
– Mehmet Alî Çelebî diyar kir ku gelê Kurd dixwazin bikin qurbana projeyên enerjiyê yên navnetewî. Çelebî got ku konsensûsa nû ya navnetewî ya ku di 6’ê Çileyê de bi hevdîtinên Parîsê şêwe girtiye, dikare bi serê pêkhateyên cîhadîst herêmê ber bi karesatekê ve bibe.
– Di konferansa ku ji Abya Yala û Kurdistanê zêdetirî 400 delege beşdar bûne de, jin li dijî mêtingerî, baviksalarî û kapîtalîzmê xeta têkoşîna hevpar nîqaş dikin. Armanca konferansê ew e ku berxwedanên xwecihî û têkoşîna azadiya jinê li ser zemînekî hevpar bîne cem hev.
– Nasrullah Kuran ku yek ji girtiyên Tevgera Azadiya Kurdistanê ye, qala jiyana xwe û çawa beşdarî têkoşînê bûye kir. Kuran diyar kir ku Tevgera Azadiya Kurd naverokeke demokratîk-sosyalîst daye hebûna Kurdan.
– Sebahat Tuncel ku behsa ezmûna xwe ya têkoşînê kir, got: “Em dixwazin di cîhaneke çawa de bijîn, em tenê dikarin wê cîhanê bi xwe ava bikin. Jiyana ku hinekên din ji bo me xêz kirine, ne jiyana me ye.”
– Omer Agin diyar kir ku êrîşên li Helebê yên li dijî taxên Kurdan û geşedanên nû yên li Rojava, nîşaneya qonaxeke nû ya komployên navnetewî û herêmî ne ku li dijî paradîgmaya Tevgera Azadiya Kurd têne meşandin.
