Endama Têkilî û Îtîfaqên Siyaseta demokratîk a Kongra Star Rûken Ehmed ji ANF’ê re axivî û diyar kir ku pêvajoya siyasî ya heyî li Sûriyeyê di qonaxeke girîng de ye. Rûken Ehmed, anî ziman ku hilbijartin û hikûmeta nû ya Sûriyê tenê ji aliyek ve tê birêvebirin û destnîşan kir ku mafê jinan di vê pêvajoyê de hatiye piştguhkirin. Rûken Ehmed got “Jin bi salane di nava berxwedanê de cih digirin û divê ev hewldana hikûmeta nû neyê qebûlkirin.”
Rûken Ehmed, diyar kir ku pêwîste rewşa li Sûriyê bi awayekî siyasî bê çareserkirin û da xuyakirin ku polîtîkayên rêveberiya Şamê li gorî daxwazên gel nayên meşandin. Rûken Ehmed got, “Hilbijartin û avakirina komîteyan tenê di asta navxweyî de ma, daxwaz û xwestekên gel hatin paşguhkirin.” Her wiha bal kişand ser wê yekê ku divê gelê Sûriyê derbasî pêkhateyeke demokratîk bibe û got ku rejîma heyî nikare ji daxwaza gelan re bibe bersiv.
Rûken Ehmed, diyar kir ku komîte û pêvajoyên hilbijartinan li Sûriyeyê xwedî bandoreke sînordar e û got ku ev pêvajo di bin serweriya yekaliyê de pêş ketiye û got berjewendiya hemû gelan naparêzin. Rûken Ehmed got, “Divê destûra nû misoger bike ku jin û gel xwedî mafên wekhev bin.”
Rûken Ehmed, da zanîn ku zilm û komkujiyên li ser gelê Elewî yên li Sûriyeyê dewam dikin û got, “Ev komkujiyên li Sûriyeyê dibin metirsiya tunekirina nasname û çanda gelan.”
Rûken Ehmed, di dawiyê de diyar kir ku divê pêvajoya siyasî li Sûriyeyê li gorî daxwazên gel bi avakirina sîstemeke demokratîk pêk were û got, “Divê hemû gelên Sûriyeyê di yek sîstemê de kom bibin û ji bo pêvajoya demokratîk tevbigerin.”
