Li Kobanê kevneşopiyên dayîkan ên kevin û liv û tevgera di nava sûkê de gelekî zêde ye. Şêniyên ku amadekariyên cejnê dikin, şehîdên komkujiya Berxbotanê bi bîr anîn.
Dayîka bi navê Senai Hesen Mihemed ku bi cîrana xwe re dibe alîkar û kuloran amade dike, wiha got: “Ji bo me ev çandeke ku di nava her cejnê de em kuloran amade bikin. Ev kevneşopiyeke ji dayîkên me tên, ev jî di her cejnê de wiha tên amadekirin, em jî bi ruhê komînal bi hev re dibin alîkar. Em ji mêvan û zarokên xwe re van kuloran amade dikin. Em ê vê cejnê bikin wesîleya serkeftinê. Em vê cejnê bi taybet li şervanên xwe û li malbatên şehîdan pîroz dikin.”
Hacer Osman ku yek ji jinên di nava sûkê de amadekariyên cejnê dike, diyar kir ku ji ber êrîşên dewleta Tirk û komkujiyên li Kobanê, gel vê cejnê hem bi xemgînî hem jî bi hêviya aştî û serketinê pêşwazî dike û destnîşan kir ku tevî krîza aboriyê jî, amadekariya ji bo cejnê dewam dike.
Hacer di dawiya axaftina xwe de cejn li li Rêber Apo, şervanên azadiyê û malbatên şehîdan pîroz kir.
