Ayşe Gokkan ku nêzîkî 6 salan di girtîgehê de ye, ji girtîgeha girtî ya jinan a Sîncanê bi rêya Pergala Deng û Dîmen (SEBGÎS) beşdarî rûniştina li Dadgeha Cezayê Giran a 9’emîn a Amedê bû. Ayşe Gokkan, di rûniştinê de diyar kir ku darizandin li dijî pêvajoya aştiyê ye.
Ayşe Gokkan ku parastina xwe bi Kurdî kir anî ziman ku ew têkoşîna azadiya jinan diparêze û TJA ji bo vê armancê dixebite.
Ayşe Gokkan, bal kişand ser pêwîstiya piştgiriya pêvajoya aştiyê ku li ser banga Rêber Apo dest pê kir û got ku divê Tirkiye bi polîtîkayeke aştiyê krîzên xwe derbas bike.
Parêzerên wê diyar kirin ku xebatên Ayşe Gokkan di çerçoveya qanûnî de bûn û gotin ku di dosyayê de delîlên berbiçav tune ne.
Dozger daxwaza berdana wê kir, lê dadgehê biryar da ku girtina wê berdewam bike.
Dadgehê dozê taloqî 19’ê Hezîranê kir.
